Ես Իսրայել եմ եկել ոչ միայն որպես ԱՄՆ պաշտոնյա, այլ նաև որպես հրեա. Բլինկեն
Համաշխարհային Մամուլ
ԱՄՆ պետքարտուղար Անտոնի Բլինկենը, ով այսօր ժամանել է Իսրայել, ասել է, որ ԱՄՆ-ն հավերժ կմնա հրեական պետության դաշնակիցը։
«Ուղերձը, որը ես բերում եմ, հետևյալն է. դուք կարող եք բավականաչափ ուժեղ լինել ինքներդ ձեզ պաշտպանելու համար, բայց քանի դեռ Ամերիկան գոյություն ունի, դուք երբեք ստիպված չեք լինի դա անել», - ասել է Բլինկենը Իսրայելի վարչապետ Բենիամին Նեթանյահուի հետ մամուլի ասուլիսում, գրում են միջազգային ԶԼՄ-ները:
ԱՄՆ պետքարտուղարն ընդգծել է, որ Իսրայել է եկել ոչ միայն որպես ամերիկացի պաշտոնյա, այլ նաև որպես «հրեա»։ «Ես ձեզ հասկանում եմ անձնական մակարդակով», - ասել է նա:
Բլինկենը հաստատել է, որ ՀԱՄԱՍ-ի հարձակման հետևանքով զոհվել է առնվազն 25 ամերիկացի։ Նա խոստացել է, որ «ինչպես ոչնչացվեց ԴԱԻՇ-ը, այնպես էլ ՀԱՄԱՍ-ը կկործանվի»։
«Մենք գիտենք, որ ՀԱՄԱՍ-ը չի ներկայացնում Պաղեստինի ժողովրդին»,- ասել է պետքարտուղարը։
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
