Պուտինը հանդիպում է անցկացնում Ալիևի հետ

Ռուսաստանի նախագահ Վլադիմիր Պուտինը հանդիպում է անցկացնում Ադրբեջանի նախագահ Իլհամ Ալիևի հետ Ղրղզստանում, որտեղ վաղը կկայանա ԱՊՀ գագաթնաժողովը, հայտնում է ՌԻԱ Նովոստին։

Ինչպես ավելի վաղ հայտարարել էր ՌԴ նախագահի օգնական Յուրի Ուշակովը, քաղաքական գործիչները կքննարկեն Լեռնային Ղարաբաղի և այնտեղ տեղակայված ռուս խաղաղապահների շուրջ ստեղծված իրավիճակը։ Նրա խոսքով՝ Պուտինն ու Ալիևը ծրագրել են քննարկել նաև ղարաբաղցի հայերի՝ իրենց բնակության վայրեր վերադարձի հարցը։

Ուշակովը նշել է, որ ՌԴ նախագահը կհանդիպեր նաև Հայաստանի վարչապետ Նիկոլ Փաշինյանի հետ, եթե նա գար Բիշքեկ՝ գագաթնաժողովին։