Միլիոնների գնումներ մեկ անձից և կոռուպցիոն ռիսկ. ՔՊ-ականները օգտվե՞լ են խառը իրավիճակից

Վերջին ամիսների ընթացքում պետական կառավարման համակարգում կրկին ռեկորդներ են սահմանվել՝ մեկ անձից գնման ընթացակարգով միլիոնների հասնող գնումներ կատարելու մասով։ Որոշ կառույցներ օգտվելով երկրում ստեղծված լարված իրավիճակի ֆոնին՝ չեն խորշել կոռուպցիոն ռիսկեր ավելացնելուց և բյուջեն առանց մրցույթի մսխելուց: Ահա թե ինչ գնումներ են կատարել պետական կառույցները Արցախում վերջին ռազմական գործողությունների օրերին:

ՀՀ ՊԵԿ-ը 1,600,000 դրամի ներկայացուցչական ծառայություններ է ձեռք բերել Արթուր Թամազյան ԱՁ-ից։

Կրկին ՊԵԿ-ը 1,217,700 դրամի ներկայացուցչական ծառայություններ է ձեռք բերել Հայր և Որդի Երեմյաններ ՍՊԸ-ից, 1,200,000 դրամի ներկայացուցչական ծառայություններ էլ ձեռք են բերվել Գաֆեսչյան հիմնադրամից:

ՀՀ քաղաքաշինության կոմիտեն 3,147,000 դրամ է վճարել Շինսերտիֆիկատ ՍՊԸ-ին։

ՀՀ տարածքային կառավարման և ենթակառուցվածքների նախարարությունը 6,143,937, 63,333,000 և 42,272,100 դրամ է վճարել -Ճաննախագիծ ինստիտուտ- ՍՊԸ-ին հեղինակային հսկողության ծառայություններ մատուցելու դիմաց: 16,652,100 դրամ էլ նույն նպատակով վճարվել է -ՀԱԼԴԻ Քոնսալթ- ՍՊԸ-ին:

Շիրակի մարզպետարանը 1,758,400 դրամ է տրամադրել ԱՔԱՐԱ ՍՊԸ-ին Հայաստանի Հանրապետության Շիրակի մարզի անհետաձգելի համարվող կապիտալ բնույթի ծրագրերի իրականացման համար:

Հակակոռուպցիոն կոմիտեն 1,781,470 դրամ է վճարել Մեհրաբյան և որդիներ ՍՊԸ-ին ՀՀ Հակակոռուպցիոն կոմիտեի կարիքների համար վարչական սարքավորումների մատակարարման դիմաց:

Վարչապետի աշխատակազմը 4,473,505 դրամի գրասենյակային գույք է ձեռք բերել Օրենսդրության կարգավորման ազգային կենտրոն հիմնադրամից։

ԲՏԱ նախարարությունը 24,444,445 դրամի անշարժ գույք է ձեռք բերել Արմեն Մաշուրյանից։

ՀՀ ֆինանսների նախարարությունը 8,599,200 դրամ է վճարել --Հելիքս Կոնսալտինգ-- ՍՊԸ-ին վճարումների էլեկտրոնային համակարգի վերազինման նպատակով

Առողջապահության նախարարությունը 2,494,200 դրամի ներկայացուցչական ծառայություններ է ձեռք բերել Բլիզարդ ՍՊԸ-ից, 7,500,000 դրամի ներկայացուցչական ծառայություններ՝ Մյուզիք Հոլլ- ՍՊԸ-ից, 

էկոնոմիկայի նախարարությունը 7,800,000 դրամ է վճարել ԱՍ ԹԻՄ- ՍՊԸ-ին ԱՄԷ-ում Մարքեթինգային արշավների կազմակերպման համար,7,703,400 դրամ էլ վճարվել է ՊՐՈԴԻՋԻ ՍՊԸ-ին Գերմանիայում նմանատիպ արշավների կազմակերպման նպատակով: