Ինչպես են հարկատուների հաշվին հարստացել ոչնչով աչքի չընկած ՔՊ-ական պատգամավորները

Իշխող «Քաղաքացիական պայմանագիր» կուսակցության պառլամենտական խմբակցությունում մշտապես ակտիվ և աչքի ընկնող պատգամավորների կողքին կան նաև այնպիսինները, որոնց մասին հանրությունը, կարելի է ասել, մոռացել է, քանի որ վերջիններս իրենց մասին հիշելու և խոսելու բավական քիչ առիթ են տալիս իրենց իսկ պասիվությամբ: Արտահերթ խորհրդարանական ընտրություններից անցել է երկու տարի, և միակ բանը, որ փոխվել է այս պատգամավորների մոտ, դա նրանց սոցիալական դրությունն է:

Դիցուք՝ Մերի Գալստյանը 2019-ին հայտարարագրել էր ընդամենը 8,875,130.00 դրամի եկամուտ: 2021-ին նրա եկամուտները կազմել են 14,343,440.00 դրամ: Գալստյանը բացակայել է 107 անգամ, ունեցել ընդամենը 1 ելույթ, տվել 0 հարց, հեղինակել 0 նախաձեռնություն:

Մաթևոս Ասատրյանը 2019-ին հայտարարագրել էր հողամաս, անհատական բնակելի տուն և երեք ավտոմեքենա: 2021-ի նրա եկամուտներն ու գույքը կարող եք տեսնել ստորև։ Նշենք նաև, որ պատգամավորը բացակայել է 27 անգամ, տվել 0 հարց և ունեցել 0 ելույթ։

Հակոբ Ասլանյանը 2019-ին հայտարարագրել էր բնակարան, 1,184,307.00 դրամի եկամուտ և 700 հազար դրամի կենսաթոշակ: 2021-ին նրա բանկային ավանդները կազմել են 4,720.00 դոլար, կանխիկ դրամը կազմել է 1,500,000.00 դրամ, եկամուտները կազմել են 8,478,960.00 դրամ: Հակոբ Ասլանյանը չի բացայակել, սակայն ունեցել է ընդամենը 0 ելույթ և տվել 1 հարց։

Նարեկ Գրիգորյանը 2018-ին հայտարարագրել էր VAZ 2115 մակնիշի ավտոմեքենա, 179,660.00 դրամ եկամուտ: 2021-ին նրա բանկային հաշիվների մնացորդը կազմել է 380,000.00 դրամ, կանխիկը՝ 4,700,000.00 դրամ,եկամուտները՝ 7,216,290.00 դրամ:Նարեկ Գրիգորյանը բացակայել է 57 անգամ, տվել է 1 հարց և ունեցել 0 ելույթ։

Հռիփսիմե Գրիգորյանը 2018-ին ուներ ընդամենը 1,114,991.00 դրամի չափով եկամուտ: 2021-ի հայտարարագրում արդեն իսկ առկա է ավտոտնակն ու հողամասը, եկամուտները կազմել են 7,981,563.00 դրամ: Հռիփսիմե Գրիգորյանը բացակայել է 47 անգամ, տվել 2 հարց և ունեցել 1 ելույթ։

Դավիթ Դանիելյանը  2018-ին հայտարարգրել էր բնակարան, SUZUKI մակնիշի ավտոմեքենա, եկամուտները կազմել էին 3,000,000.00 դրամ: 2020-ին արդեն պատգամավորը ձեռք է բերել բնակարան Երևանում, 2021-ին՝ հողամաս,KIA մակնիշի ավտոմեքենա, եկամուտները կազմել են 2,887,760.00 ՀՀ դրամ: Թե ինչպես է վերջինս նման եկամուտներով բնակարան ու ավտոմեքենա ձեռք բերել՝ հասկանալի չէ: Դավիթ Դանիելյանը բացակայել է 80 անգամ, տվել 0 հարց և ունեցել 1 ելույթ։

Նարեկ Զեյնալյանը 2019-ին հայտարարագրել էր բնակարան և անհատական բնակելի տուն, 8150000.00 և 36800.00 դրամի ներդրում և արժեթղթեր և MERCEDES-BENZ GL450 4 MATIC ավտոմեքենա: 2021-ին արժեթղթերի արժեքը կազմել է 400,000.00 դրամ: Բանկային ավանդները՝ 20,715,843.00 դրամ: Կանխիկ գումարը՝ 4,000,000.00 դրամ և 8,500.00 եվրո, եկամուտները կազմել են 12,166,568.00 դրամ և 1,817.00 ԱՄՆ դոլար: Նարեկ Զեյնալյանը բացակայել է 0 անգամ, տվել 0 հարց և ունեցել 0 ելույթ։

Միքայել Թումասյանի հայտարարագիրը կարող եք տեսնել ստորև։ Նշենք՝ Միքայել Թումասյանը բացակայել է 25 անգամ, տվել 0 հարց և ունեցել 0 ելույթ։

Կարեն Համբարձումյանի հայտարարագիրը ունի հետևյալ տեսքը: Նշենք նաև, որ Համբարձումյանը բացակայել է 37 անգամ, տվել 0 հարց և ունեցել 0 ելույթ։

Վահե Ղալումյանը 2018-ին հայտարարագրել էր հողամաս և անհատական բնակելի տուն. եկամուտները կազմել էին 150,000.00 ռուսական ռուբլի, այն էլ՝ որպես նվիրատվություն կամ օգնություն: 2021-ին Ղալումյանը ձեռք է բերել բնակարան, եկամուտները կազմել են 36,633,240.00  ՀՀ դրամ: Վահե Ղալումյանը բացակայել է 19 անգամ, տվել 0 հարց և ունեցել 0 ելույթ։