ՅՈՒՆԻՍԵՖ-ը մարդասիրական աղետ է կանխատեսում
Համաշխարհային Մամուլ
Գազայի հատվածի բնակչությանը նրա մեկ այլ հատված տեղափոխվելու կոչերը չեն կարող իրականացվել առանց հումանիտար աղետի։
Խոսքը միլիոնավոր մարդկանց տեղահանության մասին է, որոնք գնալու տեղ չունեն։ Այս մասին ՌԻԱ Նովոստիին հայտնել է Մերձավոր Արեւելքում ՅՈՒՆԻՍԵՖ-ի գրասենյակի ներկայացուցիչ Սալիմ Օուեյսը։
«Մենք խոսում ենք Գազայի հյուսիսում գտնվող մոտ մեկ միլիոն մարդու մասին, ովքեր գնալու տեղ չունեն, նրանց համար ապահով վայրեր չկան: ՄԱԿ-ն իր բոլոր ճյուղերով կոչ է արել հրաժարվել այս որոշումից և թույլատրել մարդասիրական օգնությանը մուտք գործել Գազայի հատված՝ երեխաների, ընտանիքների և խաղաղ բնակիչների միջև բաշխման նպատակով»,- ասել է Սալիմ Օուեյսը:
ՅՈՒՆԻՍԵՖ-ի ներկայացուցիչն ընդգծում է, որ հակամարտող բոլոր կողմերը, միջազգային իրավունքի համաձայն, պատասխանատու են խաղաղ բնակչության պաշտպանության համար, հետևաբար պարտավոր են պահպանել երեխաների և քաղաքացիական անձանց կյանքն ու անվտանգությունը։
«Գազայի հատվածում հումանիտար իրավիճակը շատ բարդ է, մարդասիրական աշխատողների համար շատ դժվար է նույնիսկ տեղաշարժվելը, ուստի մենք խնդրում ենք մարդասիրական զինադադար և անվտանգ միջանցքներ երեխաների և ընտանիքների համար, որպեսզի այդ մարդիկ կարողանան օգտվել օգնությունից», - ասել է ՅՈՒՆԻՍԵՖ-ի ներկայացուցիչը։
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
