Արցախի նախագահ Արայիկ Հարությունյանն ինձ հնարավորություն տվեց բանակցել Բաքվի հետ. Սամվել Բաբայան

Արցախի նախագահ Արայիկ Հարությունյանն ինձ հնարավորություն տվեց բանակցել Բաքվի հետ, բոլորն այդ մասին տեղյակ են եղել: Այս մասին լրագրողների հետ զրույցում ասել է  Միասնական հայրենիք» կուսակցության առաջնորդ Սամվել Բաբայանը:

«Արցախի Հանրապետության Սահմանադրությամբ  արտաքին քաղաքականություն վարող միակ անձը Արցախի նախագահն է, որը ինձ՝ Սամվել Անդրանիկի Բաբայանին, եւ դրա մասին, ձեր ասած բոլոր մարդիկ պառլամենտում, իմ ելույթի ժամանակ, երբ որ ես ասել եմ, որ   Արայիկ Հարությունյանը ինձ հնարավորություն տվեց բանակցել Բաքվի հետ բոլորը քար լռությամբ լսել են ու ձայն չեն հանել, շրջվել են դեպի Հարությունյանը, իսկ նա գլխով ասել է՝ այո, դրանով ավարտվել է, հիմա ուզում եմ հասկանալ, այդ 5-րդ շարասյունը ինչի է այդպես գոռգոռում:  Հիվանդացե՞լ են։ Քննչական վարչության տեղը գիտեն, դիմումները թող գրեն ուղարկեն այնտեղ, որ Բաբայանին դատեն։ Ես արդեն իրանց մասին գրել եմ, որպեսզի իրանցով զբաղվեն, կարո՞ւմ են, թող իրենք էլ գրեն»,-ասաց նա։

Հարցին, թե ի՞նչ ձևաչափով են տեղի ունենում բանակցությունները, Բաբայանն նշեց՝ ոչ մի բանակցություն տեղի չի ունենում, տեղի է ունենում սկզբունքների համաձայնություն, երբ դրանք համաձայնեցվի Բաքվում դեմ առ դեմ նստելու են բանակցեն:

«Ես Բաքու էլ կգնամ, Աֆրիկա էլ, իմ ժողովրդի համար պատրաստ եմ, հիմա որտեղ ձերբակալված պահում են այդտեղ դեռ 26 տարեկանում եմ եղել, երբ նստել եմ։ Նրանք ինձ չեն ձերբակալի, ձերբակալել են նրանց, ում պետք է»,-ասաց նա։