Հայաստանի ամենահարուստ փոխքաղաքապետերի թոփ 10-յակը

Շարունակում ենք ընթերցողների ուշադրությանը ներկայացնել հայաստանյան պաշտոնյաների կողմից ներկայացված գույքի և եկամուտների պաշտոնական հայտարարարագրերը: Այսօր կանդրադառնանք ամենահարուստ փոխքաղաքապետերի տասնյակին:

Դիցուք՝ Գյումրիի փոխքաղաքապետ Արթուր Պապիկյանը հայտարարագրել է 2012-ին թողարկված Տոյոտա մակնիշի ավտոմեքենա, 2005 թվականին արտադրված Նիսան մակնիշի ավտոմեքենա, պաշտոնյայի բանկային հաշիվների մնացորդը կազմել է 557.683.00 և 272 դրամ.  տվյալ տարվա սկզբում առկա դրամական միջոցները կազմել են 10,000.00 դրամ: Պապիկյանը նաև սպառողական վարկեր է ձևակերպել, մասնավորապես՝ 546.179.490 , 724.159.00, 1.972.319 և 673.316.00 դրամի չափով:

Թալին համայնքի ղեկավարի տեղակալ Սերգե Մկրտչյանը հայտարարագրել է 2008 թվականին ձեռք բերված բնակարան և 2021 թվականին ձեռք բերված հողամաս, ինչպես նաև 2013 թվականին ձեռք բերված MERCEDES-BENZ մակնիշի ավտոմեքենա, բանկային հաշիվներ մնացորդը կազմել է 250,000.00 դրամ, կանխիկ դրամը՝ 9,000,000.00 դրամ, եկամտի և ծախսերի վերաբերյալ որևէ տեղեկություն պաշտոնյան չի ներկայացրել:

Թալին համայնքի ղեկավարի տեղակալ Խաչատուր Տերտերյանը հայտարարագրել է երեք հողամաս և անհատական բնակելի տուն, 2013-ին ձեռք բերված OPEL մակնիշի ավտոմեքենա, տվյալ տարվա սկզբում առկա կանխիկ դրամը կազմել է 100,000.00 դրամ,  հաշվետու տարվա եկամուտները՝ 2,584,795.00 դրամ:

Աշտարակի համայնքապետի տեղակալ Շանթ Վահանյանը հայտարարագրել է անհատական բնակելի տուն, որը ստացել է որպես նվիրատվություն, երկու հողամաս, որոնցից մեկը գնել է 2020 թվականին: Հայտարարատուի կողմից տվյալ տարվա ընթացքում 90 օրից ավելի փաստացի տիրապետվող տրանսպորտի միջոց կամ հայտարարատուի անունից, օգտին կամ հաշվին ձեռք բերված, երրորդ անձին սեփականության իրավունքով պատկանող տրանսպորտի միջոց, կամ տրանսպորտի միջոց, որից փաստացի օգուտ է ստանում կամ այն տնօրինում է հայտարարատուն՝ HYUNDAI մակնիշի  ավտոմեքենա: Բանկային հաշիվների մնացորդը կազմել է 64,047.33 դրամ և 1,465.58 ԱՄՆ դոլար: Կանխիկ դրամը 4,650,000.00 դրամ, 13,250.00 դոլար և 3,600.00 եվրո: Հաշվետու տարվա եկամուտները կազմել են 3,065,105.00 դրամ:

Աշտարակ համայնքի ղեկավարի մյուս տեղակալ Վարդան Սաֆարյանը հայտարարագրել է հողամաս, անհատական բնակելի տուն, արտադրական նշանակության շինություն (արդյունաբերական և գյուղատնտեսական արտադրությունների տեղակայման և նրանց մեջ տեխնոլոգիական սարքավորումների շահագործման համար անհրաժեշտ պայմաններն ապահովող շինությունը): Բանկային հաշիվների մնացորդը կազմել է 946,178.00 դրամ: Կանխիկ դրամը՝ 30,000,000.00 ՀՀ դրամ և 10,000.00 ԱՄՆ դոլար:  Հաշվետու տարվա եկամուտները կազմել են 4,149,572.00 ՀՀ դրամ:

Ջերմուկ համայնքի ղեկավարի տեղակալ Աշոտ Խաչատրյանը հայտարարագրել է բնակարան բազմաբնակարան շենքում, հասարակական նշանակության շինություն, 2020 թվականին ձեռք բերված KIA մակնիշի ավտոմեքենա, պաշտոնյայի եկամուտները կազմել են 16,341,724.00 ՀՀ դրամ, ստացված վարկերն ու փոխառությունները՝ 8,523,000.00 ՀՀ դրամ:

Իջևան համայնքի ղեկավարի տեղակալ Արգիշտի Ամիրխանյանը հայտարարագրել է բնակարան բազմաբնակարան բնակելի շենքում, երկու հողամաս, 2021-ին ձեռք բերված անհատական բնակելի տուն 2019-ին ձեռք բերված FORD մակնիշի ավտոմեքենա,2021-ին ձեռք բերված GMC մակնիշի ավտոմեքենա, պաշտոնյայի եկամուտները կազմել են 6,467,651.00 ՀՀ դրամ:

Դիլիջանի փոխքաղաքապետ Արման Բազինյանը հայտարարագրել է երկու բնակարան Դիլիջանում,  2015-ին ձեռք բերված HONDA մակնիշի ավտոմեքենա, 500,000.00 կանխիկ դրամ, տարվա ընթացքում ստացված եկամուտը կազմել է 4,686,230.00 դրամ, իսկ ահա ստացված վարկերն ու փոխառությունները՝ 2,370,683.00 դրամ:

էջմիածնի քաղաքապետի տեղակալ Մհեր Մկրտչյանը հայտարարագրել է  2019-ին ձեռք բերված հողամաս Վաղարշապատ քաղաքում, BMW և TOYOTA մակնիշի ավտոմեքենաներ, բանկային հաշվի մնացորդը կազմել է 12,710.00 դրամ, կանխիկ դրամը՝ 1,500,000.00 ՀՀ դրամ, հաշվետու տարվա եկամուտները կազմել են 5,993,789.00 ՀՀ դրամ, ստացված վարկերն ու փոխառությունները 12,000,000.00 և 22,000,000.00 ՀՀ դրամ։

Արմավիրի փոխքաղաքապետ Վարշամ Սարգսյանը հայտարարագրել է անհատական բնակելի տուն, MERCEDES-BENZ մակնիշի ավտոմեքենա, 3,402,700.00, 315,000.00 և 74,000.00 ՀՀ դրամի հանձնված և վերադարձված փոխառություն, 4,000,000.00 կանխիկ դրամ, պաշտոնյայի եկամուտները կազմել են 4,079,425.00 ՀՀ դրամ:

Այս թեմայով Արմեն Գրիգորյանը հաստատվեց Հայաստանի պետական տնտեսագիտական համալսարանի ռեկտորի պաշտոնում Թուրքիան աջակցում է Հայաստանի և Ադրբեջանի միջև երկխոսությանը․ Էրդողան Վերջին 5 ամիսներին աճել է Հայաստանի և Իրանի միջև առևտուրը Հայաստանի օպերայի պատմության մեջ նոր էջ է բացվում՝ աշխարհի ամենահեղինակավոր կառույցի հետ համագործակցությամբ ԱՄՆ-ի Փիթսբուրգ քաղաքը սեպտեմբերի 21-ը հայտարարել է «Հայաստանի ազգային օր»