Ինչպես են հարստանում պարապուրդի մատնված կառույցների ղեկավարները

Շատ հաճախ լրատվամիջոցների ուշադրությունից վրիպում է, թե ինչ ունեցվածք և եկամուտ են հայտարարագրել մշտապես ստվերում գտնվող այն պաշտոնյաները, ովքեր կամ հենց իրենք են պարապուրդի մատնված, կամ էլ նրանց ղեկավարած կառույցները:

Եվ այսպես՝ Սփյուռքի գործերի գլխավոր հանձնակատար Զարեհ Սինանյանը հայտարարագրում նշել էր 15 հազար ԱՄՆ դոլարով ձեռք բերված ռոյալի առկայության մասին։

Ռոմանոս Պետրոսյանը «Միկշին» ընկերությունից ձեռք է բերել բնակարան՝ Արաբկիր վարչական շրջանում, 51 մլն 357 հազար դրամ արժեքով կամ շուրջ 106 հազար դոլարով, ինչը համարվում է թանկարժեք գույք։

Քաղավիացիայի կոմիտեի նախագահ Միհրան Խաչատրյանը հայտարարագրել է TOYOTA մակնիշի ավտոմեքենա, բանկային հաշիվների մնացորդը կազմել է 800,000.00 դրամ և  400 եվրո, կանխիկ դրամը՝ 500,000.00 դրամ: Հաշվետու տարվա եկամուտները կազմել են 527,000.00 դրամ:

Զբոսաշրջության կոմիտեի ղեկավար Սիսիան Պողոսյանը հայտարարագրել է երկու բնակարան Կանադայում, Հայաստանի Հանրապետության օրենսդրության համաձայն նոր կառուցված, ձեռք բերված և անշարժ գույքի կադաստր վարող լիազոր մարմնի կողմից հաշվառված ու գնահատված այն շինությունները, որոնք դեռևս չեն ստացել իրավունքների պետական գրանցում, ինչպես նաև սեփականության կամ հողօգտագործման իրավունք ունեցող անձանց կողմից այդ հողամաuի վրա ինքնակամ կառուցված շենքերը և շինությունները, այդ թվում՝ բազմաբնակարան շենքերում կամ շենքերին կից ինքնակամ կառույցները, բանկային հաշվի մնացորդները կազմել են 330,000.00 դրամ և 23,000.00 կանադական դոլար: 

Շուկայի վերահսկողության տեսչական մարմնի ղեկավար Արմեն Կոտոլյանը հայտարարագրել է հետևյալ գույքն ու եկամուտները․

Վիճակագրական կոմիտեի ղեկավար Ստեփան Մնացականյանի գույքն ու եկամուտները ներկայացնում ենք ստորև․

Միջուկային անվտանգության կարգավորման կոմիտեն չունի նախագահ, սակայն ունի նախագահի տեղակալ: Խաչատուր Խաչիկյանը հայտարարագրել է հողամաս և բնակարան բազմաբնակարան շենքում՝ Երևանի Մալաթիա-Սեբաստիա թաղամասում, հանձնված և վերադարձված փոխառությունները կազմել են 3,000,000.00 ՀՀ դրամ, բանկային հաշվի մնացորդները գնահատվում են 1,046,700.00 ՀՀ դրամ, 15.19 ԱՄՆ դոլար, պաշտոնյայի եկամուտները հաշվետու տարում կազմել են 10,913,709.00 ՀՀ դրամ:

Բնապահպանության և ընդերքի տեսչական մարմնի ղեկավար Հովհաննես Մարտիրոսյանը հայտարարագրել է Հայաստանի Հանրապետության օրենսդրության համաձայն նոր կառուցված, ձեռք բերված և անշարժ գույքի կադաստր վարող լիազոր մարմնի կողմից հաշվառված ու գնահատված այն շինությունները, որոնք դեռևս չեն ստացել իրավունքների պետական գրանցում, անհատական բնակելի տուն, բնակարան՝ բազմաբնակարան բնակելի շենքում, 2020-ին ձեռք բերված MERCEDES-BENZ մակնիշի ավտոմեքենա, պաշտոնյայի եկամուտները կազմել են 14,044,586.00 ՀՀ դրամ:

Հեռուստատեսության և ռադիոյի հանձնաժողովի նախագահ Տիգրան Հակոբյանը հայտարարագրել է անհատական բնակելի տուն, 6,000.00 ԱՄՆ դոլարի բանկային ավանդ, բանկային հաշիվների մնացորդը կազմել է 1,621,000.00 ՀՀ դրամ, կանխիկ գումարը՝ 4,700.00 ԱՄՆ դոլար, 1,500,000.00 ՀՀ դրամ, 1,600.00 եվրո, հաշվետու տարվա եկամուտները կազմել են 10,354,000.00 ՀՀ դրամ:

ԱԺ արտաքին հարաբերությունների հանձնաժողովի նախագահ Սարգիս Խանդանյանը հայտարարագրել է բնակարան և անհատական բնակելի տուն, հանձնված և վերադարձված փոխառությունները կազմել են 22,065,862.00 ՀՀ դրամ, բանկային հաշիվների մնացորդը՝ 2,000,000.00 ՀՀ դրամ, եկամուտները կազմել են 14,613,599.00 ՀՀ դրամ: