Իսրայելում առաջարկվել է պաշտոնական մակարդակով նշել ապրիլի 24-ը` որպես Հայոց ցեղասպանության զոհերի հիշատակի օր

Իսրայելի Կնեսետում տեղի են ունեցել Օսմայան կայսրությունում հայերի Ցեղասպանության ճանաչմանը նվիրված հանրային քննարկումները: Ինչպոս հաղորդում է http://izrus.co.il կայքը ներկաների մեծ մասը, այդ թվում՝ նաև Կնեսետի խոսնակը, Իսրայելի խորհրդարանին կոչ են արել ճանաչել Հայոց ցեղասպանությունը՝ չնայած դրանից բխող «հետևանքներին»:

Այսօր Կնեսետում տեղի է ունեցել կրթության, մշակույթի և սպորտի հարցերով հանաձնաժողովի նիստ՝ նվիրված Հայոց ցեղասպանության ճանաչմանը: Սա առաջին դեպքն է, որ քննարկումները բաց են եղել: Մինչ այս հարցի քննարկումները կրում էին փակ բնույթ և սահմանափակվում էին ներքին գործերի և պաշտպանության հանձնաժողովների անդամներով:

Այսօրվա քննարկմանը մասնկացել են հանձնաժողովի ղեկավար Ալեքս Միլլերը, Կնեսետի խոսնակ Ռեուվեն Ռիվլինը, խորհրդարանական կոալիցիայի նախագահ Զեև Էլկինը, պատգամավորներ Ուրի Օրբախը, Զախավա Գալյոնը, Արյե Էլդարը, Օտնիել Շնելլերը, գիտական շրջանակների, Հայ ազգային կոմիտեի (Հայ Դատ), Իսրայելի ԱԳ ներկայացուցիչները:

Ներկաների մեծամասնությունը աջակցել է Հայոց ցեղասպանության ընդունման նախագծին և նույնիսկ առաջարկել են պաշտոնական մակարդակով նշել ապրիլի 24-ը՝ որպես Օսմանյան կայսրությունում Հայոց ցեղասպանության զոհերի հիշատակի օր:

Նիստից հետո Միլլերը նշել է, որ իր գլխավորած հանձնաժողովը առաջիկայում կրկին հավաքվելու է այդ կարևոր թեմայի քննարկման համար: