Իսրայելի ոստիկանությունը ինքնապաշտպանական 600 ջոկատ է կազմավորել

Իսրայելի ոստիկանությունը ընդհանուր առմամբ 600 տեղական հսկողության ստորաբաժանում է ստեղծել։ Այս մասին հայտնում է Times of Israel թերթը։

Ինչպես հայտարարել է այդ կազմավորումների տեղակայման հատուկ համակարգող Շիմոն Լավին, որը նշանակվել է ազգային անվտանգության նախարար Իտամար Բեն Գվիրի կողմից, հոկտեմբերի 7-ից ստեղծել և զինել է ինքնապաշտպանության 600 ստորաբաժանում։ Նրա խոսքով, սա նպատակի մեկ երրորդն է, առաջիկա 10 օրվա ընթացքում կձևավորվի ևս 1200 նման միավոր։ Նա նշել է, որ առաջնահերթ ուշադրություն է դարձվելու նման կազմավորումների ստեղծմանը խառը բնակչություն ունեցող բնակավայրերում, որտեղ կան ինչպես հրեական, այնպես էլ արաբական համայնքներ։

Հատուկ համակարգողը նշել է, որ Իսրայելի ոստիկանությունը կվերահսկի ինքնապաշտպանական ստորաբաժանումների գործունեությունը։ Նա հավելել է, որ նման կազմավորումների անդամներն ունեն հրազեն օգտագործելու նույն իրավունքները, ինչ ոստիկանները։ Լավին չի կարողացել պատասխանել այն հարցին, թե ապագայում պաղեստինյան արմատական ​​ՀԱՄԱՍ շարժման գրոհայինների հարձակումից հետո իրենց բաժանված հազարավոր հրացանները կվերցնե՞ն նման կազմավորումների անդամներից։ Համակարգողը նշել է, որ այս հարցի վերաբերյալ որոշում դեռ կայացված չէ։