ՆԳ նախարարը հրահանգել է արցախցի վարորդների նկատմամբ մեղմ լինել
Հասարակություն
ԼՂ բնակիչների՝ ավտոմեքենաներ վարելու հետ կապված վարչական արձանագրությունների վերաբերյալ վիճակագրական տվյալներ մենք չունենք, սակայն ունենք եւ գույքային, եւ մարմնական վնասվածքներով պատահարների դեպքեր: Այս մասին, այսօր՝ հոկտեմբերի 25-ին, ԱԺ-ում հայտարարեց ՆԳ նախարար Վահե Ղազարյանը՝ անդրադառնալով նրան, որ Արցախից բռնի տեղահանվածները, որոնք սովոր չեն մեքենա վարել արագաչափերի ու տեսանկարահանող սարքերի առկայության պայմաններում, եւ նրանց մեծ տուգանքներ են եկել, արդյոք հնարավոր է, որ սեպտեմբերի 25-ից մինչեւ այժմ արձանագրված տուգանքները հանվեն:
«Իմ կողմից տրվել է հանձնարարական պարեկային ծառայությանը եւ ճանապարհային ոստիկանությանը, որպեսզի լինեն բավականին մեղմ եւ ոչ մի վարչական արձանագրություն չկազմեն, միայն նախազգուշական: Այսինքն մենք որեւէ վարչական արձանագրություն ձեր նշած ժամանակահատվածում չենք կազմել ԼՂ քաղաքացիների համար: Օրենքի մեջ մենք նաեւ տեսալուսանկարահանող սարքերի կողմից ֆիքսված բոլոր վարչական արձանագրությունները հեչ կանենք»,-ասաց նախարարը:
Նա նաեւ հավելեց. «Հիմա շատ դեպքեր ենք ունենում, որ կեղծ համարանիշներով, կողային պակիները թաղանթապատված են վարում, ինչը ես գտնում եմ, որ ճիշտ չէ»:
Ամենադիտված 
ՀՀ ՊՆ–ն հայտարարություն է տարածել
