Պաղեստինյան արմատականներն արձագանքել են հրադադարի վերաբերյալ Իսրայելի առաջարկին

Իսրայելը պաղեստինյան ՀԱՄԱՍ շարժմանն առաջարկել է հրադադար՝ բոլոր պատանդներին ազատելու և Գազայի հատվածից իսրայելական դիակները վերադարձնելու դիմաց, սակայն վերջինս մերժել է այդ գաղափարը։ Այս մասին հայտնում է Al Arabiya հեռուստաալիքը։

Աղբյուրների համաձայն՝ պաղեստինյան խմբավորման և Իսրայելի միջև բանակցություններ են ընթանում Եգիպտոսի և Կատարի միջնորդությամբ՝ պատանդներին ազատ արձակելու վերաբերյալ։

Աղբյուրները նշել են, որ ՀԱՄԱՍ-ը մերժել է Իսրայելի առաջարկը և պահանջել ազատ արձակել պաղեստինցի բանտարկյալներին։

Ենթադրվում է նաև, որ ՀԱՄԱՍ-ն Իսրայելից երկարաժամկետ հրադադար է խնդրել, սակայն իսրայելական կողմը հրաժարվել է պատասխանել այս առաջարկին։