ԱՄՆ-ն փորձում է համոզել Իսրայելին հրաժարվել Գազայում մասշտաբային ռազմական գործողությունից

ԱՄՆ նախագահի վարչակազմը փորձում է Իսրայելին համոզել հրաժարվել Գազայում լայնածավալ ցամաքային գործողությունից՝ հօգուտ օդից հարվածների և հատուկ ջոկատայինների գրոհների, գրում է Washington Post-ը՝ հղում անելով աղբյուրներին։

«Բայդենի վարչակազմը կոչ է անում Իսրայելին զերծ մնալ լայնածավալ ցամաքային ներխուժումից և դրա փոխարեն իրականացնել «վիրահատական» արշավ՝ օգտագործելով ավիահարվածներ և հատուկ ջոկատայիններ», հաղորդում է հրատարակության թղթակիցը X սոցիալական ցանցում՝ վկայակոչելով «ԱՄՆ կառավարության հինգ պաշտոնյաների»։