Իրանը նախազգուշացրել է ԱՄՆ-ի դեմ նոր ճակատների հնարավոր բացման մասին
Համաշխարհային Մամուլ
Իրանի արտաքին գործերի նախարար Հոսեյն Ամիր Աբդոլլահիանը հայտարարել է, որ Վաշինգտոնի լիակատար աջակցությունն Իսրայելին կարող է հանգեցնել ԱՄՆ-ի դեմ նոր ճակատների բացմանը:
«Միացյալ Նահանգները խորհուրդ է տալիս մյուսներին զսպվածություն դրսևորել, բայց նրանք իրենք են Իսրայելին լիարժեք աջակցություն ցուցաբերում», - ուրբաթ օրը Bloomberg-ին տված հարցազրույցում ասել է նա: «Եթե Միացյալ Նահանգները շարունակի անել այն, ինչ անում էր, նոր ճակատներ կբացվեն Միացյալ Նահանգների դեմ»,-ասել է Աբդոլահիանը։
Նախարարն ընդգծել է, որ հակամարտության սրումը կհանգեցնի Գազայի հատվածի բնակչության հետագա մահվան, և արդյունքում՝ «իրավիճակը կարող է դուրս գալ վերահսկողությունից ողջ տարածաշրջանում»։ «Ամերիկյան կողմը պետք է որոշի՝ իրո՞ք ցանկանում է պատերազմի սրացում և վատթարացում»,- ասել է Իրանի ԱԳՆ ղեկավարը։
«Նոր ճակատների բացումն անխուսափելի է, և դա կստիպի Իսրայելին զղջալ իր գործողությունների համար։ Իրավիճակը պայթյունավտանգ է: Ամեն ինչ հնարավոր է, ցանկացած ճակատ կարող է բացվել»,-ասել է նա:
Ամենադիտված 
Մնաս բարյավ. Րաֆֆի Հովհաննիսյան
