Մահացել է Մոսկվայի կոնսերվատորիայի նախկին ռեկտոր Տիգրան Ալիխանովը

81 տարեկան հասակում մահացել է Ռուսաստանի ժողովրդական արտիստ, պրոֆեսոր և դաշնակահար Տիգրան Ալիխանովը, հայտնում է Մոսկվայի կոնսերվատորիայի ռեկտորատը։

«Մոսկվայի կոնսերվատորիայի ղեկավարությունը խորը ափսոսանքով հայտնում է 2023 թվականի հոկտեմբերի 29-ին Ռուսաստանի ժողովրդական արտիստ, պրոֆեսոր Տիգրան Աբրամովիչ Ալիխանովի մահվան մասին»,- ասվում է հրապարակման մեջ։ 

Baza-ն և SHOT-ը գրում են, որ արտիստի մարմինը հայտնաբերել է նրա դուստրը Մոսկվայում գտնվող բնակարանում: SHOT-ը հայտնել է, որ մահվան պատճառը սրտի անբավարարությունն է եղել։