Հոկտեմբերի 27-ից ի վեր Գազայի հատված է մտել մոտ 20 հազար իսրայելցի զինծառայող․ ԶԼՄ

Ավելի քան 20,000 իսրայելական զորքեր՝ առնվազն զրահապատ և հետևակային դիվիզիաներ, մտել են Գազայի հատված հոկտեմբերի 27-ից ի վեր, երբ Իսրայելի պաշտպանության ուժերը հայտարարեցին անկլավում ցամաքային գործողությունների ընդլայնման մասին, հաղորդում է Axios-ը՝ վկայակոչելով իսրայելական աղբյուրները:

«Ուրբաթ օրվա գործողությունների մեկնարկից ի վեր առնվազն երկու զրահապատ և հետևակային դիվիզիաներ՝ կազմված ավելի քան 20,000 իսրայելական զինվորականներից, մտել են Գազայի հատված»,- ասվում է պորտալի հայտարարության մեջ:

Աղբյուրները նաև նշել են, որ անկլավում գտնվող իսրայելական բանակը օգտագործում է հետախուզական աղբյուրները տեղում՝ պատանդներին գտնելու և ազատ արձակելու համար:

Իսրայելի պաշտպանության բանակի ստորաբաժանումները Գազայի հատվածի ստորգետնյա թունելներում մարտեր են մղում ՀԱՄԱՍ-ի դեմ, ավելի վաղ հայտնել է Իսրայելի զինված ուժերի մամուլի ծառայությունը։ Ռազմական գերատեսչությունը նաեւ պնդում է, որ օրվա ընթացքում ընդհանուր առմամբ խոցվել է ՀԱՄԱՍ-ի 300 թիրախ։