Սերբիայի նախագահը ցրել է խորհրդարանը և արտահերթ ընտրություններ նշանակել
Համաշխարհային Մամուլ
Սերբիայի նախագահ Ալեքսանդր Վուչիչը հրամանագրով ցրել է Ազգային ժողովը և արտահերթ խորհրդարանական ընտրություններ նշանակել դեկտեմբերի 17-ին, հայտնում է RTS-ը։
Կառավարությունը Վուչիչին երկուշաբթի՝ հոկտեմբերի 30-ին, Ազգային ժողովը ցրելու և պատգամավորների ընտրություններ նշանակելու առաջարկ է ուղարկել։ Նոր ընտրությունների անցկացումը կառավարությանը դրդել են «հասարակության մի մասի» բազմաթիվ խնդրանքները, ինչպես նաև ընդդիմադիր կուսակցությունների խնդրանքները։
«Ներկա պայմաններում խորհրդարանական նոր ընտրությունների անցկացումը կապահովի ժողովրդավարության ավելի բարձր աստիճան, կնվազեցնի հասարակության մեջ առաջացող լարվածությունը, կդադարեցնի ատելության հրահրումը, ինչպես նաև կհաստատի քաղաքական, տնտեսական և այլ հարցերի շուրջ ազատորեն կարծիք և տեսակետ արտահայտելու իրավունքը, ներառյալ՝ Եվրոպական արժեքների հետագա հաստատումը»,- առաջարկի տեքստը մեջբերում է RTS-ը։
Ամենադիտված 
Մնաս բարյավ. Րաֆֆի Հովհաննիսյան
