Նյու Յորքի քաղաքապետը կասկածվում է Թուրքիայի հետ անօրինական կապերի մեջ

ԱՄՆ Հետաքննությունների դաշնային բյուրոն դատախազների հետ խուզարկություններ է իրականացրել է Նյու Յորքի քաղաքապետ, դեմոկրատ Էրիկ Ադամսի մերձավոր դաշնակցի տանը, ով նրա նախընտրական քարոզարշավի ժամանակ մասնակցել է նվիրատվությունների հավաքագրմանը։ Այս մասին հայտնում է New York Times թերթը։

Ամերիկյան լրատվամիջոցները պնդում են, որ ՀԴԲ-ի և դատախազների առավոտյան այցը Ադամսի դրամահավաքի բաժնի ղեկավար Բրիանա Սագսի տուն կապված է քաղաքապետի հավանական կոռուպցիոն կապերի հետ։ Քննիչների կարծիքով՝ Ադամսը կարող է կապված լինել Թուրքիայից պաշտոնյաների հետ, ովքեր օգնել են նրան ստանձնել քաղաքապետի պաշտոնը՝ ֆինանսապես անօրինական կերպով աջակցելով նրա նախընտրական քարոզարշավին։

Ժամանակին ինքը՝ Ադամսը, բազմիցս պարծեցել է Թուրքիայի հետ իր խորը կապերով և բազմաթիվ առիթներով, այդ թվում՝ նախընտրական մրցավազքի ժամանակ, ճանապարհորդել է այս ուղղությամբ։