Իսրայելը հայտարարել է 48 ժամվա ընթացքում Գազայում մարտերն սկսելու պատրաստակամության մասին

Իսրայելի պաշտպանության բանակը հայտարարել է 48 ժամվա ընթացքում Գազա քաղաքում մարտերն սկսելու պատրաստակամության մասին։ Այս մասին հայտնում է Haaretz-ը։

«Իսրայելի պաշտպանության բանակի գնահատականներով՝ Գազայի հատվածում գտնվող ուժերը 48 ժամվա ընթացքում ամբողջությամբ կշրջափակեն Գազա քաղաքը և կսկսեն մարտերը»,- գրում են լրագրողները։

Նշվում է, որ Իսրայելի իշխանությունները ծրագրում են այս կերպ ամբողջությամբ ոչնչացնել ՀԱՄԱՍ-ի մարտիկներին, ինչպես նաև ոչնչացնել նրանց թունելներն ու ռազմական օբյեկտները։ Իսրայելի պաշտպանության բանակը կարծում է, որ հնարավոր է հասնել ՀԱՄԱՍ-ի ոչնչացման կառավարության նպատակին, սակայն դա կպահանջի երկար ժամանակ՝ մի քանի ամսից մինչև մեկ տարի կամ նույնիսկ ավելի: Տարածքը ահաբեկիչներից մաքրելու համար անհրաժեշտ է գործել զգույշ և համեմատաբար դանդաղ»,- բացատրում են հրապարակման հեղինակները։