Ուր են և ինչու են լռում Հայաստանի խոշոր գործարարներն ու պաշտոնյաները. Հուսիկ Սահակյան

ԼՈւՐԵՐ.com-ը շարունակում է անդրադառնալ այն պաշտոնյաներին և գործարարներին, ովքեր երկար տարի զբաղեցրել են պետական և ռազմական պաշտոններ, Արցախի և Հայաստանի անունը հոլովելով բիզնես են դիզել, իսկ այսօր, երբ Արցախը գրեթե կորսված է, իսկ Հայաստանը գտնվում է լրջագույն վտանգների առջև, նրանք նախընտրում են լռել, ասես ոչինչ էլ տեղի չի ունեցել:

2021 թվականին Արենի համայնքի ղեկավարի պաշտոնում ընտրվեց ՔՊ քվոտայով ընտրություններին մասնակցող Հուսիկ Սահակյանը: Նրա կենսագրության մի քանի ուշագրավ դրվագներ ներկայացնում ենք ձեր ուշադրությանը: 1996թ-ի մայիսի 17-ին Վայոց ձորի մարզպետի կողմից նշանակվել է Ռինդ գյուղում մարզպետարանի լիազոր ներկայացուցիչ` գյուղական խորհրդի նախագահի լիազորություններով։ 1996թ -2005թթ. երեք անգամ անընդմեջ ընտրվել է Ռինդի համայնքի ղեկավար։ 2005- 2007թթ. փետրվարը զբաղվել է անհատական գործունեությամբ։ 2007թ-ի փետրվարի 4-ին ընտրվել է համայնքի ղեկավար, վերընտրվել է 2010 և 2014 թվականներին։ Պարգևատրվել է «ԵԿՄ 20 տարի» հոբելյանական մեդալով, «Հայաստանի երկրապահ» հուշամեդալով, «ՀՀ ԱԺ» պատվո մեդալով,

Ի դեպ, 2017-ին Նիկոլ Փաշինյանի ընտանեկան կայքը գրում էր, որ Արենիի բնակիչները դժգոհ են ընտրությունների արդյունքից և չեն ցանկանում որպեսզի համայնքը ղեկավարի Սահակյանը։

Ի պատիվ Սահակյանի՝ նշենք, որ 2020 թվականի պատերազմի օրերին նա հայտարարություն տարածեց, որում հայտարարում էր, որ ելնելով Արցախի հանրապետության շուրջ ստեղծված պատերազմական իրավիճակից՝ իր բաժին հաղթանակը կերտելու նպատակով կամավորագրվում է հայրենիքի սահմանների պաշտպանության սուրբ գործին: Միաժամանակ Սահակյանը կոչ էր անում կամավորության սկզբունքով անդամագրվել ստեղծվող «Արենի» ջոկատին:

2016 թվականի ապրիլյան պատերազմի օրերին Սահակյանի անունը առկա է Արցախին ֆինանսական օգնություն ցուցաբերած քաղաքացիների ցանկում, նա փոխանցել էր հարյուր հազար դրամ: Իհարկե, միլլիոներ չեն, սակայն ոչ բոլոր պաշտոնյաների ձեռքն էր գնում անգամ այդ գումարն Արցախին ուղղելու համար, այնպես որ կարող ենք ասել, որ ժամանակին Սահակյանը շատ ավելի մտահոգ էր Արցախի և ինչու ոչ՝ նաև Հայաստանի ապագայով, քան այսօր, երբ արդեն ՔՊ քվոտայում դարձել է Արենիի համայնքապետ:

Այս թեմայով Արցախում կորուստների և հասցված վնասների փոխհատուցման համար դրանք պետք է չափելի, հաշվելի ձևով հիմնավորվեն. Սիրանուշ Սահակյան «Անկեղծությունն է բանալին». Հուսիկ Արայի՝ «Երբ սիրում եմ քեզ» գիրքն ընթերցողի սեղանին է. «Փաստ» «Բաքվում գտնվող հայ ռազմաքաղաքական գերիների «գլխագինը» այլ է»․ Սիրանուշ Սահակյան Ամեն գիր դեռ բանաստեղծություն չէ, ուղղակի ամոթ է դրա մասին խոսելը. Հուսիկ Արա Ինչի՞դ վրա ես հեծանիվ քշում, համերգ տալիս. դա գերեզմանափոսի առաջ պարել է նշանակում. Հուսիկ Արա (տեսանյութ)