Ինչ ունեցվածք են հայտարարագրել Հաշվեքննիչ պալատի նախագահն ու անդամները

Շարունակելով ավանդույթը՝ ձեր ուշադրությանն ենք ներկայացնում պաշտոնյաների գույքի և եկամտի հայտարարագրերը: Այսօր կանդրադառնանք Հաշվեքննիչ պալատի նախագահին և պալատի անդամներին:

2022 թվականին՝ ՀՀ հաշվեքննիչ պալատի նախագահի պաշտոնը ստանձնելիս Ատոմ Ջանջուղազյանը հայտարարագրել է․

• անհատական բնակելի տուն – Երևանում՝ Աջափնյակ վարչական շրջանում, միանձնյա սեփականություն, գնված 2008 թ․,
• բնակարան – Կոտայքի մարզում՝ Ծաղկաձորում, միանձնյա սեփականություն, նվիրատվություն՝ ստացված 2015 թ․,
• Mitsubishi Outlander 2.9L մակնիշի ավտոմեքենա – 2011 թ. թողարկման, գնված 2014 թ․,
• 2,240,523 դրամ՝ բանկային հաշվին,
• 5,000,000 դրամ՝ կանխիկ,
• 20,000 դոլար՝ կանխիկ,
• 15,000 եվրո՝ կանխիկ,
• 245,143 դրամ եկամուտ՝ պաշտոնը ստաձնելու օրվա դրությամբ, որը ստացվել է 3 տարբեր բանկերում ունեցած ավանդների դիմաց ստացված տոկոսագումարից,
• «Կարբի ջրհոս» ՀԷԿ-ում ունեցած շահաբաժինը (10%), որը հավատարմագրային կառավարման է հանձվել

Հաշվեքննիչ պալատի անդամ Արմեն Գևորգյանը հայտարարագրել է անհատական բնակելի տուն, TOYOTA մակնիշի ավտոմեքենա, բանկային հաշիվների մնացորդը կազմել է 550,000.90 ՀՀ դրամ, կանխիկ գումարը՝ 33,000,000.00 ՀՀ դրամ, 65,000.00 ԱՄՆ դոլար, 17,000.00 եվրո: Հաշվետու տարվա եկամուտները կազմել են 13,080,211.00 ՀՀ դրամ: 

Եղիշե Սողոմոնյանը հայտարարագրել է բնակարան և հողամաս, ինչպես նաև՝ ավտոկանայատեղի, NISSAN և TOYOTA մակնիշի ավտոմեքենաներ, 19,400,000.00 դրամի չափով կանխիկ գումար, հաշվետու տարվա եկամուտները կազմել են 12,950,100.66 ՀՀ դրամ:

Գեղամ Հովեյանը հայտարարագրել է բանկային հաշիվների մնացորդը՝ 722,421.00 ՀՀ դրամ և 220,667.00 ՀՀ դրամի չափով: Կանխիկ գումարը կազմել է 16,400,000.00 ՀՀ դրամ, 42,000.00 ԱՄՆ դոլար, 19,000.00 եվրո: Հաշվետու տարվա եկամուտները կազմել են 11,135,147.00 ՀՀ դրամ: 

Կարեն Առուստամյանը հայտարարագրել է բնակարան և ավտոտնակ, MERCEDES-BENZ մակնիշի ավտոմեքենա, բանկային հաշիվների մնացորդը կազմել է 67,627.00, 1,331,284.00 և 7,018.00 ՀՀ դրամ: Կանխիկ գումարը կազմել է 2,400.00 ԱՄՆ դոլար և 2,100,000.00 ՀՀ դրամ: Հաշվետու տարվա եկամուտները կազմել են 12,070,115.00 ՀՀ դրամ: