Ինչ ունեցվածք ունեն ՀԾԿՀ նախագահ Գարեգին Բաղրամյանն ու հանձնաժողովի անդամները
Վերլուծական
Շարունակում ենք ընթերցողների ուշադրությանը ներկայացնել բարձրաստիճան պաշտոնյաների գույքի և եկամուտների հայտարարագրերը: Այսօր կանդրադառնանք ՀԾԿՀ նախագահին և հանձնաժողովի անդամներին:
ՀԾԿՀ նախագահ դառնալուց հետո՝ 2021 թվականին, Գարեգին Բաղրամյանը մեկ բնակարան է ձեռք բերել՝ անհատական բնակելի տուն Երեւանի Դավիթաշեն վարչական շրջանում։ Նա որեւէ տրանսպորտային միջոց չի հայտարարագրել, սակայն կինը, չունենալով որեւէ անշարժ գույք, հայտարարագրել է 2015 թվականին արտադրված Lexus մակնիշի մեքենա, որը ձեռք է բերվել 2019 թվականին։ ՀԾԿՀ նախագահի՝ տարեսկզբին առկա 9 մլն 300 հազար դրամ բանկային հաշիվները տարեվերջին զրոյացել են։ Բանկային հաշիվների մնացորդները կազմել են 2 մլն 987 հազար դրամ, կանխիկ դրամական միջոցները՝ 1 մլն 600 հազար դրամ եւ 2 հազար դոլար։ Նրա՝ հաշվետու տարվա եկամուտները կազմել են 29 մլն 974 հազար դրամ, որից 18 մլն 655 հազար դրամը՝ ՀՀ հանրային ծառայությունները կարգավորող հանձնաժողովից։ Եկամուտների աղբյուրներից տեղեկանում ենք, որ Բաղրամյանը ՀՀ ֆինանսների նախարարությունից ստացել է 5 մլն 161 հազար դրամ՝ որպես եկամտահարկի վերադարձ՝ 3 հիփոթեքով բնակարանների՝ բնակարանի, անհատական բնակելի տան, կառուցվող բնակարանի գումարը վճարելու համար։Հիփոթեքով ձեռք բերված բնակարանների հիփոթեքի մայր գումարի մնացորդը հաշվետու տարվա դեկտեմբերի 31-ի դրությամբ կազմել է 68 մլն 355 հազար դրամ։ Ֆինանսական մյուս աղբյուրները վարկեր են, նվիրատվություն եւ այլ եկամուտներ։ Բաղրամյանը հաշվետու տարվա ընթացքում վարկերի մարմանն է ուղղել 24 մլն 223 հազար դրամ, իսկ անշարժ գույքի վերանորոգման համար ծախսել է 3 մլն 700 հազար դրամ գումար։ Նրա կինը՝ Զարուհի Բաղրամյանը, բացի մեքենայից, այլ գույք չի հայտարարագրել։ Նրա բանկային հաշիվների մնացորդները կազմել են 273 հազար դրամ, կանխիկ դրամական միջոցները՝ 3 հազար դոլար եւ 500 հազար դրամ։
Հանձնաժողովի անդամ Սեդա Շահինյանի հայտարարագիրը կարող եք տեսնել ստորև․
Կամո Սարգսյանը հայտարարագրել է անհատական բնակելի տուն, MITSUBISHI մակնիշի ավտոմեքենա, 14,568,901.00 դրամի հանձնված և վերադարձված փոխառություն, բանկային հաշիվների մնացորդը կազմել է 1,578,139.00 ՀՀ դրամ և 1,758.14 ԱՄՆ դոլար: Պաշտոնյայի կողմից հայտարարագրված կանխիկ գումարը կազմել է 9,750,000.00 ՀՀ դրամ: Հաշվետու տարվա եկամուտները կազմել են 15,257,216.00 ՀՀ դրամ;
Հանձնաժողովի անդամ Սերգեյ Աղինյանն ընտրվել է այս տարվա մայիսին, այդ իսկ պատճառով, վերջինս դեռ չի ներկայացրել իր գույքի և եկամուտների հայտարարագիրը:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
