Պաշտոնյաների՝ մեկ անձից կատարած գնումները՝ խոշորացույցի տակ

Արցախցիների տարրական կարիքները հոգալու համար գումար ափսոսացող իշխանությունները մնացած հարցերում իրենց, կարծես թե, ոչնչով չեն սահմանափակում: Բյուջեում փող ճարվում է, եթե նպատակը ասենք՝ մեկ անձից գնման ընթացակարգով միլիոնների հասնող գնումներ անելն է: 

Բերենք մի քանի օրինակներ: ՀՀ ՊԵԿ-ը 1,600,000 դրամի ներկայացուցչական ծառայություններ է ձեռք բերել Արթուր Թամազյան ԱՁ-ից։

Կրկին ՊԵԿ-ը 1,217,700 դրամի ներկայացուցչական ծառայություններ է ձեռք բերել «Հայր և որդի Երեմյաններ» ՍՊԸ-ից, 1,200,000 դրամի ներկայացուցչական ծառայություններ էլ ձեռք են բերվել Գաֆեսչյան հիմնադրամից:

ՀՀ քաղաքաշինության կոմիտեն 3,147,000 դրամ է վճարել «Շինսերտիֆիկատ» ՍՊԸ-ին։

Շիրակի մարզպետարանը 1,758,400 դրամ է տրամադրել «ԱՔԱՐԱ ՍՊԸ»-ին Հայաստանի Հանրապետության Շիրակի մարզի անհետաձգելի համարվող կապիտալ բնույթի ծրագրերի իրականացման համար:

Հակակոռուպցիոն կոմիտեն 1,781,470 դրամ է վճարել «Մեհրաբյան և որդիներ» ՍՊԸ-ին ՀՀ Հակակոռուպցիոն կոմիտեի կարիքների համար վարչական սարքավորումների մատակարարման դիմաց:

Տավուշի մարզպետարանը 645,000 դրամի ներկայացուցչական ծառայություններ է ձեռք բերել Գյուլնարա Մելիքսեթյան ԱՁ-ից:

ՊՎԾ-ն 630,000 դրամի համակարգչային աթոռ է ձեռք բերել «Լեվան» ՍՊԸ-ից։

Ֆիննախը՝ 255,000 դրամի բարձրախոս է ձեռք բերել «Ռիելթի մենեջմենթ քոմփանի» ՍՊԸ-ից, 427,140 դրամի նվերներ «Բուկինիստ» ՍՊԸ-ից, 851,430 դրամի տնտեսական ապրանքներ՝ «Ադիան» ՍՊԸ-ից:

Վիճակագրական կոմիտեին չգիտես թե ինչ նպատակներով բեռնատար էր անհրաժեշտ եղել՝ վարորդով և այդ նպատակով վճարվել է 420,000 դրամ։ Բացի այդ, 809,700 դրամի օդափոխիչներ են ձեռք բերվել «ՎԻ ԷԼ ՎԻ ՍԵՆԹՐ» ՍՊԸ-ից:

ԲՏԱ-ն 24,444,445 դրամի անշարժ գույք է ձեռք բերել Արմեն Մաշուրյանից։

Լոռու մարզպետարանը 216,000 դրամի հյուրանոցային ծառայություններ է ձեռք բերել «ԹՈՒՖԵՆԿՅԱՆ ՀՈՍՓԻԹԱԼԻԹԻ» ՍՊԸ-ից:

Նշենք, որ գնումները կատարվել են 2022-2023 թվականների ընթացքում:

Այս թեմայով Մեկ օրում բացահայտվել է հանցագործության 78 դեպք Ծնողական խմբերում խուճապ է. Անչափահասների առևանգման փորձ կատարած տղամարդը ձերբակալված է Արցախում բենզինի պահեստի պայթյունից մեկ տարի է անցել․ 238 զոհ, 22 անհետ կորած կա Իրանում ևս մեկ երկրաշարժ է տեղի ունեցել՝ այս անգամ 5,2 մագնիտուդ ուժգնությամբ Իրանում ևս մեկ երկրաշարժ է տեղի ունեցել՝ այս անգամ 5,2 մագնիտուդ ուժգնությամբ