Իսրայելը հրթիռային հարված է հասցրել Սիրիայի մայրաքաղաքին

Սիրիական հակաօդային պաշտպանության համակարգը արձագանքել է Դամասկոսի վրա իսրայելական հրթիռային հարձակմանը։

Ռազմական աղբյուրը SANA-ին հայտնել է, որ իսրայելական հակառակորդը գիշերը կառավարվող հրթիռներով հարված է հասցրել օկուպացված սիրիական Գոլանից՝ թիրախավորելով Դամասկոսը։

Աղբյուրը հավելել է, որ սիրիական հակաօդային պաշտպանության համակարգերը պատասխանել են ագրեսորի հրթիռներին և խոցել դրանց մեծ մասը։ Նշվել է, որ ագրեսիայի հետևանքով նյութական վնաս է պատճառվել։