Թուրքիայի ԱԳ նախարարը ասել է, թե որ դեպքում կխզեն դիվանագիտական ​​հարաբերությունները Իսրայելի հետ

Թուրքիան կարող է խզել դիվանագիտական ​​հարաբերությունները Իսրայելի հետ, սակայն ցանկալի արդյունքի համար այս որոշումը պետք է ընդունվի միաժամանակ մի քանի երկրների կողմից։ Այս մասին հայտարարել է Թուրքիայի արտգործնախարար Հաքան Ֆիդանը։

«Հակամարտության հենց սկզբից մենք սկզբունքային դիրքորոշում ենք որդեգրել. որոշումներ պետք է ընդունվեն միաժամանակ մի քանի իսլամական երկրների, աշխարհի երկրների, նույնիսկ Լատինական Ամերիկայի կողմից, որպեսզի այդ որոշումներն ավելի ուժեղ լինեն»,-ասել է նա։

Նրա խոսքով՝ իսլամական երկրները պետք է աջակցեն միմյանց և հանդես գան որպես միասնական ճակատ։ Նախարարը նաև կոչ է արել դասեր քաղել «նախկին փակուղիներից» և գործել միասնական։

Ֆիդանի խոսքերով, Անկարայի համար «խնդիր չէ» խզել հարաբերությունները Իսրայելի հետ, սակայն այս պահին այս հարցի վրա կենտրոնանալը իմաստ չունի։