Բայդենի խորհրդականը մեկնել է Իսրայել՝ կանխելու Լիբանանի հետ պատերազմը

ԱՄՆ-ի նախագահ Ջո Բայդենի ավագ խորհրդական Ամոս Հոխշտեյնը ժամանել է Իսրայել՝ բանակցելու բարձրաստիճան պաշտոնյաների հետ՝ հրեական պետության և Լիբանանի միջև ռազմական հակամարտությունը կանխելու շուրջ, գրում է Axios-ը՝ վկայակոչելով ամերիկացի և իսրայելական ներկայացուցիչներին։

Ըստ հաղորդագրության, Սպիտակ տանն աճում է անհանգստությունը, որ Իսրայելի պաշտպանության բանակի հարձակումները Լիբանանում սրում են լարվածությունը և կարող են հանգեցնել տարածաշրջանային հակամարտության: Բայդենի վարչակազմը կարծում է, որ Իսրայելը փորձում է հրահրել Հըզբոլլահին և պատրվակ ստեղծել հակամարտությունն ընդլայնելու համար, ինչը կարող է հանգեցնել երրորդ երկրների, այդ թվում՝ ԱՄՆ-ի մասնակցությամբ պատերազմի, գրում է Axios-ը։

Ակնկալվում է, որ Հոխշտեյնը կհանդիպի Իսրայելի պաշտպանության նախարար Յոավ Գալանտի հետ, Axios-ին ասել է իսրայելցի պաշտոնյան: