Իսրայելն ազատ կարձակի 300 պաղեստինցի բանտարկյալի

Իսրայելի արդարադատության նախարարությունը հրապարակել է 300 պաղեստինցիների ցուցակը, որոնք գործարքի շրջանակներում կարող են փոխանակվել ՀԱՄԱՍ-ի պատանդների հետ։ Նրանցից 287-ը մինչև 18 տարեկան տղաներ են։ Մնացած 13-ը չափահաս աղջիկներ են։

Ըստ The Times of Israel-ի՝ ազատ արձակման առաջարկված երիտասարդների մեծ մասը ձերբակալվել է Հորդանան գետի Արևմտյան ափին կամ Արևելյան Երուսաղեմում՝ անկարգությունների և քարեր նետելու համար: Կանայք դատապարտվել են ահաբեկչության փորձի համար։

Իսրայելը և ՀԱՄԱՍ-ը նախկինում հաստատել են հոկտեմբերի 7-ին Իսրայելի տարածքից առևանգված պատանդներին վերադարձնելու գործարքի պայմանները։ Սպասվում է, որ առաջին փուլում քառօրյա հրադադարի ընթացքում ազատ կարձակվի 50 մարդ։ Նրանցից 30-ը երեխաներ են, ութը՝ մայրեր, ևս 12-ը՝ կանայք։ Փոխարենը Իսրայելը կազատի 150 պաղեստինցի բանտարկյալների՝ կանանց և անչափահասների, ովքեր գտնվում են բանտերում՝ սպանության մեղադրանքով։ Առաջին փուլի ավարտից հետո ՀԱՄԱՍ-ը կազատի լրացուցիչ թվով պատանդներ և դրա դիմաց կստանա ազատություն յուրաքանչյուր առևանգվածի դիմաց երեք բանտարկյալի համար և յուրաքանչյուր տասը պատանդի համար՝ մեկ հրադադարի օր։