Ինչ ունեցվածք ունեն ԿԸՀ նախագահն ու հանձնաժողովի անդամները

Շարունակում ենք ընթերցողների ուշադրությանը ներկայացնել բարձրաստիճան պաշտոնյաների կողմից ներկայացված գույքի և եկամտի հայտարարագրերը: Այսօր կանդրադառնանք ԿԸՀ նախագահին և կոմիտեի անդամներին:

Եվ այսպես, ԿԸՀ նախագահ Վահագն Հովակիմյանը հայտարարագրել է հետևյալ եկամուտներն ու ունեցվածքը: Ըստ 2022 թվականի հայտարարատու տարվա հայտարարագրի՝ հաշվետու տարվա եկամուտները կազմել են 9 մլն 181 հազար դրամ, որից 6 մլն 142 հազարն Ազգային ժողովի աշխատակազմից է, իսկ 3 մլն 39 հազար դրամը՝ ՀՀ Կենտրոնական ընտրական հանձնաժողովից։ Հովակիմյանը հանդիսանում է Հովակիմյաններ Ն.Մ. կազմակերպության 100% բաժնետեր։ Վահագն Հովակիմյանի կինը՝ Լուսինե Մովսիսյանը, ըստ ամուսնու հայտարարագրի, անհատ ձեռներեց է, սակայն հայտարարագրում ոչ մի կետ նշված չէ։ ՀՀ իրավաբանական անձանց պետական ռեգիստրից և Պետական եկամուտների կոմիտեից տեղեկանում ենք, որ կնոջ ձեռնարկությունը զբաղվում է մշակութային գործունեությամբ, մասնավորապես՝ ստեղծագործական, արվեստի և հանդիսադիր կազմակերպման բնագավառում կատարվող գործունեությամբ։

ԿԸՀ անդամ Սիլվա Մարկոսյանի հայտարարագիրը կարող եք տեսնել ստորև․

ԿԸՀ անդամ Ժիրայր Հայրապետյանը հայտարարագրել է հետևյալ եկամուտներն ու ունեցվածքը․

ԿԸՀ անդամ Աննա Գրիգորյանը հայտարարագրել է 547,000.00 և 1,483,000.00 դրամի հանձնված և վերադարձված փոխառություն։ 

ԿԸՀ անդամ Արուսյակ Տերչանյանը հայտարարագրել է բնակարան, 2,500,000.00 դրամի և 15,000.00 ԱՄՆ դոլարի հանձնված և վերադարձված փոխառություն: Բանկային ավանդները կազմել են 5,023,983.00 ՀՀ դրամ և 7,595.00 ԱՄՆ դոլար: Բանկային հաշիվների մնացորդը կազմել է 200,000.00 ՀՀ դրամ և 47,680.00 եվրո: Հաշվետու տարվա եկամուտները կազմել են 10,425,931.00 ՀՀ դրամ: