Կատարի ԱԳՆ–ն հայտնել է Գազայի հատվածում հրադադարի մեկնարկի օրը

Գազայի հատվածում հրադադարը կսկսվի ուրբաթ՝ նոյեմբերի 24-ին, տեղական ժամանակով ժամը 07:00-ին (Երևանի ժամանակով 09:00-ին): Այս մասին հայտնում է Al Jazeera հեռուստաալիքը՝ վկայակոչելով Կատարի ԱԳՆ ներկայացուցչին։

Մինչ այս Wall Street Journal-ը, վկայակոչելով ամերիկացի և եգիպտացի պաշտոնյաներին, գրել էր, որ Իսրայելի և ՀԱՄԱՍ-ի միջև հրադադարի մեկնարկի հետաձգումը պայմանավորված է պաղեստինյան շարժման ցուցակներում հայտնված բանտարկյալների վերաբերյալ թերի տվյալների հետ։