Պեսկովը՝ ՀԱՊԿ–ից Հայաստանի դուրս գալու մասին
Արտաքին Քաղաքական
Ռուսաստանը հույս ունի, որ Հայաստանը կշարունակի իր մասնակցությունը Հավաքական անվտանգության պայմանագրի կազմակերպության (ՀԱՊԿ) աշխատանքներին։ Այս մասին նոյեմբերի 23-ին Առաջին ալիքի եթերում հայտարարել է ՌԴ նախագահի մամուլի քարտուղար Դմիտրի Պեսկովը։
Պեսկովը նշել է, որ կարևոր է, որ Հայաստանի արտաքին գործերի նախարարությունն այս կազմակերպության աշխատանքներին հետագա մասնակցությունից հրաժարվելու որևէ մտադրություն չի հայտնել։
Ավելի վաղ Հայաստանի վարչապետ Նիկոլ Փաշինյանը հայտարարել էր, որ չի մասնակցելու ՀԱՊԿ գագաթնաժողովին։ Միաժամանակ հայկական կողմը հայտարարել է, որ չի դիտարկվում Հավաքական անվտանգության պայմանագրի կազմակերպությունից (ՀԱՊԿ) և Եվրասիական տնտեսական միությունից (ԵԱՏՄ) դուրս գալու հնարավորությունը։
Պեսկովը նշել է, որ Ռուսաստանը ուշադրություն է դարձրել համապատասխան հայտարարությանը։ «Դա շատ կարեւոր է։ Ուստի բոլորը ելնում են նրանից, որ, բնականաբար, մեր հայ ընկերների հետ զրույցը շարունակվելու է»,- հավելել է նա։
Կրեմլն ակնկալում է, որ հետագա շփումների ընթացքում հայկական կողմն ավելի ակտիվ կներգրավվի աշխատանքներին։
ՈՒՂԻՂ ԵԹԵՐ
Ամենադիտված 
Մահացել է Երասխի միջնակարգ դպրոցի սան Վահե Մարգարյանը
