«Տասներեք տարի առաջ, երբ այցելեցինք Ադրբեջան, մեր հարևաններն սկսեցին քննադատել մեզ»․ Հունգարիայի ԱԳ նախարար

«Մենք միասին աշխատել ենք ավելի քան 13 տարի՝ կառուցելու այսօրվա ռազմավարական գործընկերությունը Ադրբեջանի և Հունգարիայի միջև։ Մենք Ադրբեջանը համարում ենք հունգար ժողովրդի դաշնակից և միևնույն ժամանակ բարեկամ երկիր։ Այս բարեկամությունը հիմնված է ոչ միայն բնական գազի նկատմամբ հետաքրքրության վրա։ Տասներեք տարի առաջ, երբ ես և Հունգարիայի վարչապետն այցելեցինք Ադրբեջան, այն ժամանակ մեր եվրոպացի հարևաններն ու երկրներն սկսեցին քննադատել մեզ. «Ինչո՞ւ եք այցելում Ադրբեջան և համագործակցություն հաստատում նրա հետ»։ Այսօր այս արևմտյան երկրների ղեկավարները հերթ են կանգնել՝ ձեր երկրի ռեսուրսներից օգտվելու և Ադրբեջանի նախագահի հետ լուսանկարվելու », – այս մասին հայտարարել է Հունգարիայի արտաքին գործերի նախարար Պետեր Սիյարտոն։

«Ադրբեջանի հետ մեր բարեկամությունն անկեղծ է և իրական։ Ամեն անգամ, երբ անհրաժեշտ է աջակցել Ադրբեջանի տարածքային ամբողջականությանը և ինքնիշխանությանը, մենք միշտ ակտիվություն ենք ցուցաբերում և աջակցում ենք դրան»,– նշել է նա։