Ջորջ Ֆլոյդին սպանած նախկին ոստիկանին բանտում դանակահարել են
Համաշխարհային Մամուլ
Աֆրոամերիկացի Ջորջ Ֆլոյդի սպանության համար դատապարտված նախկին ոստիկան Դերեկ Շովինը դանակահարվել է Արիզոնայի բանտում, հայտնում է Associated Press-ը։
Հաղորդվում է, որ նախկին իրավապահը դանակահարվել է մեկ այլ բանտարկյալի կողմից:
Ըստ աղբյուրների՝ Շովինը ծանր վիրավորվել է։ Քրեակատարողական հիմնարկի աշխատակիցները նրան ցուցաբերել են առաջին բուժօգնություն։ Դրանից հետո Շովինին ուղարկել են հիվանդանոց։
Մինչ այս հայտնի էր դարձել, որ Շովինը մերժում է ստացել՝ բողոքարկելու իր դատավճիռը։
2020 թվականի մայիսին Ֆլոյդին, գողության կասկածանքով բերման ենթարկելիս, ոստիկան Դերեկ Շովինը ծնկով սեղմել էր նրան ասֆալտին և բաց չէր թողել, մինչև նա կորցրել էր գիտակցությունը։ Ֆլոյդը մահացավ։ Այս դեպքը, ինչպես հայտնի է, խռովության ալիք բարձրացրեց և առիթ հանդիսացավ Black Lives Matter շարժման մեկնարկին։
Ոստիկան Շովինը դատապարտվեց 22,5 տարվա ազատազրկման։ Նա մեղավոր ճանաչվեց իշխանության չարաշահման մեջ։
Ամենադիտված 
Մնաս բարյավ. Րաֆֆի Հովհաննիսյան
