ԱՄՆ-ն կարող է պատժամիջոցներ սահմանել Թուրքիայի դեմ․ Bloomberg

Ահաբեկչության դեմ պայքարի և ֆինանսական հետախուզության հարցերով ԱՄՆ ֆինանսների փոխնախարար Բրայան Նելսոնը հաջորդ շաբաթ կայցելի Թուրքիա՝ գործընկերների հետ քննարկելու ռուսական կազմակերպությունների դեմ պատժամիջոցները և պաղեստինյան ՀԱՄԱՍ շարժման գործողությունները, հայտնում է Bloomberg-ը՝ վկայակոչելով աղբյուրներին։

«Հաջորդ շաբաթ ԱՄՆ ֆինանսների նախարարության բարձրաստիճան պաշտոնյան կայցելի Թուրքիա՝ քննարկելու ռուսական կազմակերպությունների դեմ ԱՄՆ պատժամիջոցները և... ՀԱՄԱՍ-ի անօրինական գործունեությունը», - ասվում է գործակալության հայտարարության մեջ: Սա Նելսոնի երկրորդ այցն է Թուրքիա մեկ տարվա ընթացքում, գրում է Bloomberg-ը։

Աղբյուրների համաձայն՝ նա Անկարային կխնդրի հետևել ռուսական կազմակերպությունների և ՀԱՄԱՍ-ի ֆինանսական գործունեության դեմ սահմանված ամերիկյան պատժամիջոցները։

Նշվում է, որ Թուրքիայում այդ պատժամիջոցները չկատարելու ֆոնին Վաշինգտոնն ավելի վաղ պատժամիջոցներ էր սահմանել մոտ մեկ տասնյակ թուրքական ընկերությունների և որոշ ֆիզիկական անձանց դեմ՝ սահմանափակումները շրջանցելու հարցում Ռուսաստանին օգնելու համար: Նշվում է, որ ԱՄՆ-ը նախազգուշացրել է մի շարք թուրքական ընկերությունների հնարավոր պատժամիջոցների մասին, որոնք կարող են խաթարել իրենց կապերը արևմտյան ֆինանսական համակարգի հետ: