Զելենսկին խոստովանել է, որ «բոլորը մոռացել են Ուկրաինայի մասին»
Համաշխարհային Մամուլ
Վլադիմիր Զելենսկին խոստովանել է, որ «բոլորը մոռացել են Ուկրաինայի մասին Մերձավոր Արևելքում տեղի ունեցող իրադարձությունների պատճառով»։
Այս մասին Ուկրաինայի նախագահն ասել է Կիևում Nikkei-ին և այլ արտասահմանյան լրատվամիջոցներին տված հարցազրույցում։
«Այսօր բոլորը մոռացել են Ուկրաինայի մասին Մերձավոր Արևելքում տեղի ունեցող իրադարձությունների պատճառով։ Ես կարծում եմ, որ դա հենց այն է, ինչին փորձել է հասնել Ռուսաստանի Դաշնությունը, և ցավում եմ, որ նրանք հասան ցանկալի արդյունքի»,- ասել է Զելենսկին։
Նա նաև բացատրել է այս տարի Ուկրաինայի զինված ուժերի անհաջող հարձակման պատճառները։
«Շատ դժվար է վերանվաճել այն տարածքը, որն ամրացված է, և որտեղ ամրությունները կառուցված են մի քանի գծով: Դա դժվար է մարդկանց համար»,- ասել է նախագահը։
Սակայն, Զելենսկու խոսքերով, «Մոսկվայի հետ հրադադարի շուրջ բանակցությունները կարող են սկսվել միայն այն բանից հետո, երբ ռուս զինվորականներն ամբողջությամբ լքեն Ուկրաինայի տարածքը»։
«Մենք չենք կարող մեր տարածքները ճանաչել որպես Ռուսաստանի Դաշնության տարածքներ»,- պարզաբանել է նա։
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
