Մադրիդում ճանապարհի վրա ուղղաթիռ է ընկել

Մադրիդի օղակաձև ճանապարհներից մեկի վրա դեկտեմբերի 1-ին ուղղաթիռ է ընկել։ Միջադեպի արդյունքում՝ անձնակազմի անդամները վիրավորվել են, գրում է El Mundo-ն։

Ուղղաթիռը մասնակցել է տեղի ավիացիոն տոնավաճառին։ Անհայտ պատճառով՝ ինքնաթիռը կորցրել է կառավարումը և կործանվել։ Օդաչուներից մեկը վնասել է ազդրը, երկրորդը թեթև վնասվածքներ է ստացել ու ինքնուրույն լքել ուղղաթիռը։

Վարկածներից մեկի համաձայն՝ ուղղաթիռի անկման պատճառ կարող էին դառնալ քամու ուժգին պոռթկումները։