ԱՄՆ-ն Իսրայելին մատակարարել է հակաբունկերային ռումբեր և արկեր․ ԶԼՄ

Հոկտեմբերի 7-ից Միացյալ Նահանգներն Իսրայելին մատակարարել է հակաբունկերային ռումբեր և տասնյակ հազարավոր այլ տեսակի զենքեր ու հրետանային արկեր, հայտնում է ամերիկյան Wall Street Journal-ը՝ վկայակոչելով պաշտոնյաներին։

«Միացյալ Նահանգները Իսրայելին տրամադրել է հակաբունկերային ռումբեր, ինչպես նաև տասնյակ հազարավոր այլ զենքեր և հրետանային արկեր՝ օգնելու ՀԱՄԱՍ–ին դուրս մղել Գազայից», - ասվում է հոդվածում:

Ինչպես նշում են հրատարակության աղբյուրները, զենքի մատակարարումները, ներառյալ մոտավորապես 15 հազար ռումբ և 57 հազար հրանոթ, սկսվել են հոկտեմբերի 7-ից անմիջապես հետո։ Ըստ աղբյուրների՝ ԱՄՆ-ն նաև փոխանցել է 100 BLU-109 հակաբունկերային ռումբ։