Գերմանիան արգելափակում է «Eurofighters» կործանիչների վաճառքը Թուրքիային

Գերմանիան արգելափակում է Թուրքիային «Eurofighters» կործանիչների վաճառքը՝ պատճառաբանելով Անկարայի՝ Արևելյան Միջերկրական ծովում բնական գազի հորատման աշխատանքների հետ կապված մտահոգությունները։ Այս մասին հայտնում է թուրքական Hürriyet Daily News պորտալը՝ հղում անելով իր աղբյուրներին։

Նշվում է, որ Գերմանիան նախկինում քննադատել էր թուրքական ռազմական գործողությունները Սիրիայի հյուսիսում, կասեցրել Թուրքիայի տրամադրության տակ գտնվող Leopard տանկերի արդիականացումը, ինչպես նաև տանկերի վաճառքը։

Թուրքիայի պաշտպանության նախարար Յաշար Գյուլերը նոյեմբերի կեսերին խորհրդարանում ռազմական բյուջեի վերաբերյալ լսումների ժամանակ հայտարարել էր, որ մտադիր է գնել 40 եվրոպական Eurofighter Typhoon կործանիչներ՝ ամերիկյան F-35-ի փոխարեն։ Նա նշել էր, որ Անկարան այս հարցում արդեն ստացել է Լոնդոնի ու Մադրիդի համաձայնությունը։ Լրատվամիջոցները հայտնել են, որ Բրիտանիան Թուրքիային խոստացել է օգնել Գերմանիային համոզել Eurofighter կործանիչների վաճառքի հարցում։