Հոնկոնգում 3,6 մլն դոլարի iPhone-ներով բեռնատար են գողացել

Հոնկոնգի ոստիկանությունը ձերբակալել է 28 միլիոն հոնկոնգյան դոլարի (մոտ 3,6 միլիոն դոլար) iPhone սմարթֆոններ պարունակող բեռնատարի գողության գործով երեք կասկածյալների։ Այս մասին հայտնում է South China Morning Post-ը։

Ըստ քննիչների՝ կասկածյալները ավազակային հարձակում են իրականացրել՝ իրենց տեղափոխած բեռը հափշտակելու նպատակով։ Դեկտեմբերի 1-ին երկու տղամարդ ոստիկանությանը հայտնել են, որ երբ իրենք iPhone էին տեղափոխում, դանակներով զինված երկու ավազակներ նստել են իրենց բեռնատարը և հրամայել իրենց մեքենան վարել դեպի Հոնկոնգի հեռավոր Յունլոնգ շրջան, որը գտնվում է չինական քաղաքի հետ սահմանին։

Ճանապարհին նրանց հրահանգվել է կանգ առնել, որտեղ հարձակվողների հանցակիցները 43 արկղ հեռախոս են բեռնաթափել։ Այնուհետև նրանց ասել են, որ գնան Թան Խուայ Չհուն, որտեղ ենթադրյալ զոհերն ասել են, որ կողոպտիչները իրենց դուրս են նետել մեքենայից և վարելով՝ հեռացել:

Երկու երիտասարդներն ասել են, որ ստիպված են եղել ավելի քան 1 կմ քայլել, որպեսզի կարողանան օգնություն խնդրել: Սակայն նրանք թեթև վնասվածքներ են ստացել։ Ավելի ուշ ոստիկանությունը հայտնաբերել է գողացված բեռնատարը, որը հարձակվողները հրկիզել են՝ նախքան լքելը: