Հեղափոխական պաշտոնյաների աշխատանքի ՕԳԳ-ն. Տավրոս Սափեյան

Շարունակելով անդրադառնալ ՔՊ-ական պաշտոնյաների աշխատանքի արդյունավետությանը՝ այսօր կխոսենք Թալինի քաղաքապետ Տավրոս Սափեյանից:

Պաշտոնավարման առաջին 100 օրվա ընթացքում Սափեյանը հանդիպել էր համայնքի դպրոցականների հետ, հպարտացել նրանով, որ կանոնավոր աղբահանություն է համայնքում իրականացվում, կարծես, դա մեծագույն լավություն է թալինցիներին, և դպրոցներից մեկի կտուրին տեղադրել էր արևային վահանակներ։ Թվում էր` ընտրվելուց հետո Սափեյանը թափ կհավաքի, բայց նա, կարծես թե, այլ պլաններ ուներ։

Դեկտեմբերին կայացած ՏԻՄ ընտրություններից հետո Սափեյանը մի քանի անգամ հանդիպել է համայնքի բնակիչների հետ, ինչպես իրական ջենթլմեն` շնորհավորել կանանց միամսյակի առթիվ, չի մոռացել, անշուշտ, նաև Ամանորը և Բանակի օրը։ Մնացած հարցերում քար լռություն է, իսկ համայնքի ՖԲ էջը ավելի շատ հիշեցնում է հայտարարությունների տախտակ։ Մինչդեռ բոլորս էլ քաջ հիշում ենք, թե ինչպիսի պաթոսախառն նախընտրական հոլովակ էր պատրաստել Սափեյանը, որը շատերին հիշեցրեց առաջին դասարանցու հանդեսի ելույթ: Այդ ելույթը և ընդհանրապես Սափեյանի նախընտրական խոստումները լի էին պաթոսով, չնայած որ չէին տարբերվում իր մյուս թիմակիցների տված խոստումներից՝ աշխատատեղեր, ներդրումներ, ենթակառուցվածքներ: Անցել է բավականին երկար ժամանակ, սակայն նշված երեք բաղձալի երևույթներից և ոչ մեկը Թալին չի հասել, այդ մասին չկա ոչ մի պաշտոնական հիշատակում: 

Սափեյանը հայտնվեց անգամ փոքրիկ սկանդալի կիզակետում:  Արագածավան համայնքի ՔՊ-ական ակտիվը որոշել էր բողոքել Սափեյանի պաշտոնավարման դեմ: «Մենք թույլ չենք տա, որ դա որպես համայնքապետ՝ մտնի մեր գյուղ, ուրեմն Արագածավանի բնակիչներն էդքան թասիբ չունե՞ն, որ Տավրոս ընտրեն․․․ Թող լավ գիտենա, իրա ոտքը մեր գյուղում չպետք է լինի։ Ամեն ինչի ձևերն էլ լավ գիտենք, գիտենք, թե էդ քվեատուփերը ոնց են կազմակերպում, ինչ են անում։ Եթե հույսը դրել է խախտումներով ձայն հավաքելու վրա, ապա չարաչար սխալվում է, աչքներս 4 արած՝ քվեատուփերը հսկելու ենք․․․»-լրատվամիջոցների ներկայացուցիչներին ասել էին բնակիչները:

Միևնույն ժամանակ, պետք է փաստենք, որ Թալինի համայնքապետարանը նաև որոշ կարևոր ծրագրեր է իրականացրել և ամեն բան չէ, որ ձախողված է այս համանքի կառավարման մասով: Թալին խոշորացված համայնքում գտնվող, ծովի մակերևույթից 2050 մ բարձրության վրա տեղակայված Ծաղկասար բնակավայր տանող ճանապարհն արդեն հիմնանորոգված է։ 2023 թ․ սուբվենցիոն ծրագրով ասֆալտապատվել է 1,7 կմ մարզային (տեղական) նշանակության ճանապարհահատվածը։ Համայնքապետարանը կոմունալ աշխատանքներն առավել արդյունավետ կազմակերպելու համար ձեռք է բերել ջրատար մեքենա: Տեղադրվել են նոր նստարաններ՝ պուրակներում, հրապարակներում, մշակույթի տների տարածքներում, հուշարձանների շրջակայքում։ Նորոգման և բարեկարգման աշխատանքներ են իրականացվել համայնքի հասարակական վայրերում՝ հրապարակներում, այգիներում և պուրակներում։

Այս թեմայով Ոստիկանները գազանաբար ծեծել են 44-օրյա պատերազմում զոհված Տավրոս Աբրահամյանի հորը. պատգամավոր Եռուզեռ՝ Աշտարակ-Թալին ճանապարհի 42 կմ հատվածում Հյուսիս-հարավի Աշտարակ-Թալին ճանապարհահատվածի գրեթե ամբողջ երկայնքով ակտիվ շինաշխատանքներ են ընթանում Բերման է ենթարկվել Թալին խոշորացված համայնքի Մաստարայի վարչական ղեկավարը Արագածոտնի մարզի Թալին քաղաքում գործարկվելու է էլեկտրական շչակ