Մասկի SpaceX-ը գնահատվել է 175 միլիարդ դոլար. Bloomberg

SpaceX-ի հիմնադիր և գլխավոր սեփականատեր Իլոն Մասկը բանակցություններ է վարում ընկերության փոքր մասնաբաժինը արտաքին ներդրողներին վաճառելու շուրջ, գրում է Bloomberg-ը:

Անանուն իրազեկ աղբյուրներին հղումով՝ գործակալությունը հայտնում է, որ բանակցությունների ընթացքում ամբողջ ընկերությունը գնահատվել է մոտավորապես 175 մլրդ դոլար, իսկ խոսքը 500–750 մլն դոլարի բաժնետոմսերի վաճառքի մասին է։

Հաղորդվում է նաև, որ SpaceX-ի բաժնետոմսերի մի մասը վաճառելու առաջարկն ուղարկվել է Իլոն Մասկին ամռանը, այնուհետև ընկերությունը գնահատվել է 150 միլիարդ դոլար, իսկ ինքը՝ SpaceX-ի հիմնադիրը, չի մեկնաբանում բանակցությունների մասին հաղորդագրությունները։

Bloomberg-ը նշում է, որ SpaceX-ը ներկայիս գնահատմամբ դասվում է աշխարհի 75 ամենաթանկ ընկերությունների շարքում՝ համեմատելով այնպիսի կորպորացիաների հետ, ինչպիսիք են T-Mobile USA-ն (179 մլրդ դոլար), Nike-ը (177 մլրդ դոլար) և China Mobile-ը (176 մլրդ դոլար):