Պուտինը կարծում է, որ ազատ առևտրի մասին համաձայնագիրը կընդլայնի ԵԱՏՄ-ի և Իրանի միջև փոխգործակցությունը

Դեկտեմբերի վերջին Եվրասիական տնտեսական միության (ԵԱՏՄ) և Իրանի միջև ազատ առևտրի մասին համաձայնագրի ստորագրումը լրացուցիչ հնարավորություններ կստեղծի փոխգործակցության ընդլայնման համար։ Այս մասին ՌԴ նախագահ Վլադիմիր Պուտինը հայտարարել է Իրանի նախագահ Էբրահիմ Ռաիսիի հետ բանակցությունների ժամանակ, փոխանցում է ՏԱՍՍ-ը։

«Դեկտեմբերի վերջին մենք ծրագրում ենք ստորագրել համաձայնագիր Իրանի և ԵԱՏՄ-ի միջև ազատ առևտրի գոտու ստեղծման վերաբերյալ։ Դա լրացուցիչ հնարավորություններ կստեղծի՝ ընդլայնելու մեր փոխգործակցությունը»,- ասել է Պուտինը։

ԵԱՏՄ կազմում են Հայաստանը, Բելառուսը, Ղազախստանը, Ղրղզստանը և Ռուսաստանը։