ԱՄՆ-ի F-16 կործանիչը Հարավային Կորեայում ծովն է ընկել. Yonhap

ԱՄՆ ռազմաօդային ուժերի F-16 կործանիչն ընկել է Դեղին ծովը Հարավային Կորեայի Ջելաբուկ-դո նահանգի Գունսան քաղաքի մոտ։ Միջադեպը տեղի է ունեցել դեկտեմբերի 11-ին, հայտնում է հարավկորեական Yonhap գործակալությունը։

Հրատարակության տվյալներով՝ ամերիկյան ինքնաթիռը ուսումնական առաքելություն էր իրականացնում։ Այն օդ է բարձրացել Սեուլից 178 կմ հեռավորության վրա գտնվող Կունսան ավիաբազայից, որն օգտագործվում է հարավկորեական և ամերիկյան ռազմաօդային ուժերի համատեղ տեղակայման համար։ Թռիչքի ժամանակ օդաչուն բախվել է «արտակարգ իրավիճակի», որից հետո կարողացել է դուրս նետվել։ Հայտնի է նաև, որ զինծառայողին հայտնաբերել և փրկել են Հարավային Կորեայի իշխանությունները, թեև նրա վիճակի մասին տեղեկություններ չկան։

Դեռևս հայտնի չէ՝ թռիչքի ժամանակ կործանիչը զինվա՞ծ է եղել, և ի՞նչն է հանգեցրել արտակարգ իրավիճակի։ Գործակալության տվյալներով՝ ներկայումս կատարվում է դեպքի բոլոր հանգամանքների հետաքննություն։