Գրականության Նոբելյան մրցանակակիրը սխալ է գրել «գրականություն» բառը
Գիտություն և Մշակույթ
Նորվեգացի գրող և դրամատուրգ Յուն Ֆոսեն, ով ստացել է գրականության Նոբելյան մրցանակ, սխալ է թույլ տվել «գրականություն» բառը գրելիս, հայտնում է Verdens gang. թերթը:
Նշվում է, որ նա ստորագրել է Նոբելյան թանգարանի ռեստորանում գտնվող աթոռի վրա, որը Ստոկհոլմում նոբելյան տոնակատարությունների հետ կապված ավանդույթ է։ Նախկինում նույն աթոռին ստորագրություն էր թողել 2022 թվականի մրցանակակիր, ֆրանսիացի գրող Անի Էռնոն։
Ֆոսեն, աթոռի վրա ստորագրելիս, «գրականություն» բառը գրել է մեկ «t» տառով, թեև նորվեգական ուղղագրությամբ այս բառը գրվում է երկու «t» տառով (litteratur): Թերթի հետ զրույցում գրողը խոստովանել է, որ սխալ է թույլ տվել՝ այն անվանելով «ուղղակի վրիպակ»։
«Իհարկե, ես գիտեմ, թե ինչպես գրել «գրականություն» նորվեգերեն, հավանաբար անգլերենի ուղղագրությունը մի փոքր շփոթեցրեց», - բացատրել է Ֆոսեն:
Ամենադիտված 
ՀՀ ՊՆ–ն հայտարարություն է տարածել
