ԱՄՆ-ն Ուկրաինային խորհուրդ է տալիս կենտրոնանալ հարավային ճակատի վրա. NYT
Համաշխարհային Մամուլ
Ամերիկացի ստրատեգները կարծում են, որ հակահարձակման ժամանակ ուկրաինական զորքերը չափազանց ցրված են և պետք է կենտրոնացվեն երկրի հարավի հիմնական ուղղության վրա, գրում է The New York Times-ը։
Ինչպես նշում են հրատարակության զրուցակիցները, հակահարձակման հիմնական նպատակն է կտրել ռուսական մատակարարման գծերը Ուկրաինայի հարավում՝ կոտրելով, այսպես կոչված, ցամաքային կամուրջը Ռուսաստանի և օկուպացված Ղրիմի միջև։ Դրա վրա կենտրոնանալու փոխարեն՝ ուկրաինացի հրամանատարները զորքերը և կրակի ուժը մոտավորապես հավասարապես բաժանել են արևելքի և հարավի միջև, ասում են ամերիկացի պաշտոնյաները: Արդյունքում՝ նրանք շարունակում են ավելի շատ ուկրաինական ուժեր կենտրոնացնել Բախմուտի և երկրի արևելյան այլ քաղաքների մոտ, քան ռազմավարական առումով շատ ավելի կարևոր Մելիտոպոլի և Բերդյանսկի մոտ։
Ըստ NYT-ի՝ ամերիկացի ռազմական փորձագետները խորհուրդ են տվել Ուկրաինային կենտրոնանալ դեպի Մելիտոպոլի առաջխաղացման և ռուսական ականապատ դաշտերը և այլ պաշտպանական կառույցները ճեղքելու վրա, նույնիսկ եթե Ուկրաինայի Զինված ուժերը կորցնեն ավելի շատ զորքեր և տեխնիկա:
Ամենադիտված 
Մնաս բարյավ. Րաֆֆի Հովհաննիսյան
