Ուկրաինայում խաղաղություն կլինի, երբ Ռուսաստանը հասնի իր նպատակներին. Պուտին

«Ուկրաինայում խաղաղությունը կգա այն ժամանակ, երբ Ռուսաստանը հասնի հատուկ ռազմական գործողության նպատակներին։ Այդ նպատակները չեն փոխվել»։ Այս մասին ասել է ՌԴ նախագահ Վլադիմիր Պուտինը։

«Խաղաղություն կլինի, երբ մենք հասնենք մեր նպատակներին: Հիմա եկեք վերադառնանք այդ նպատակներին, դրանք չեն փոխվում», - ասել է Պուտինը՝ ամփոփելով տարին ուղիղ եթերում:

Նա հիշեցրել է, որ խոսքը «ապազգայնացման, Ուկրաինայի ապառազմականացման և նրա չեզոք կարգավիճակի մասին է»։

Պուտինը հավելել է, որ Կիևի հետ հնարավոր համաձայնագրի նախագծի նախապատրաստումից հետո տեղի ունեցած բանակցությունների ընթացքում ուկրաինական կողմը չի համաձայնել, որ «ինչ-որ ապազգայնացում է անհրաժեշտ՝ ասելով, որ չկա ֆաշիզացիա, չկան այդպիսի տրամադրություններ»:

«Կիևի վարչակազմի ղեկավարը ողջ աշխարհի աչքի առաջ ծափահարում է նախկին զինծառայողին, ով անմիջական մասնակցություն է ունեցել Ուկրաինայում 1,5 միլիոն հրեաների, ռուսների և լեհերի ոչնչացմանը։ Հետևաբար, արդիական է ապազգայնացման հարցը»,- հայտարարել է Պուտինը։