Մոսկվայի և Երևանի դաշնակցային կապերն այսօր փորձության են ենթարկվում․ Լավրով

Մոսկվայի և Երևանի դաշնակցային կապերն այսօր փորձության են ենթարկվում՝ եղբայրական ժողովուրդների միջև հարաբերություններում սեպ խրելու Արևմուտքի փորձերի ֆոնին, հայտարարել է Ռուսաստանի արտգործնախարար Սերգեյ Լավրովը։

Ուրբաթ օրը Մոսկվայում կայացած «Ռուսաստան-Հայաստան» առաջին հանրային ֆորումի մասնակիցներին ուղղված նրա ուղերձն ընթերցել է Ռուսաստանի Դաշնության արտաքին գործերի նախարարության ղեկավարի տեղակալ Միխայիլ Գալուզինը։

«Մոսկվայի և Երևանի միջև դաշնակցային կապերը փորձության են ենթարկվում՝ մեր եղբայրական ժողովուրդների միջև հարաբերություններում սեպ խրելու Արևմուտքի փորձերի լույսի ներքո։ Առավել ևս արժեքավոր է այս նախաձեռնությունը, որը կոչված է պայմաններ ստեղծել միավորող օրակարգի որոնման համար, ինչպես նաև նպաստել Հայաստանում և Ռուսաստանում հասարակական կարծիք ձևավորող նոր դեմքերի ի հայտ գալուն»,- նշել է ռուս նախարարը։

Լավրովը վստահություն է հայտնել, որ քննարկումների արդյունքում գործնական առաջարկություններ կմշակվեն և օգտակար կապեր կստեղծվեն։