Սիրիայում ամերիկյան բազաները հրթիռակոծության են ենթարկվել

Սիրիայի տարածքում տեղակայված ամերիկյան երկու ռազմաբազաներ հրթիռակոծության են ենթարկվել։ Այս մասին հայտնում է «ՌԻԱ Նովոստի»-ն՝ տեղի աղբյուրներին հղումով։

Մասնավորապես, հարձակման է ենթարկվել Ազ-Զախրիյա օդանավակայանի մոտ գտնվող ամերիկյան բազան։ Նշվում է, որ օդանավակայանը գտնվում է երկրի հյուսիս-արևելքում գտնվող Ալ-Հասաքա քաղաքում։

Գործակալության տվյալներով՝ հրթիռների մեծ մասն ընկել է անմիջապես ԱՄՆ օբյեկտի տարածքում։ 

Ինչպես նաև, ըստ աղբյուրներից մեկի, դեկտեմբերի 16-ին հարձակում է տեղի ունեցել «Օմար» նավթահանքի մոտ գտնվող ամերիկյան բազայի վրա։ 

«Նավթահանքի տարածքում չորս հրթիռ է ընկել։ Պայթյուններ են լսվել»,- ասվում է հոդվածում։

Միջադեպի մասին այլ մանրամասներ այս պահին չեն հաղորդվում։