Սփյուռքի ներուժի ներգրավման մասին, որ այդքան սիրում ենք խոսել, այդտեղ էլ կա ճշմարտությունն ասել-չասելու հարց. Փաշինյան

Կային քայլեր, որ պետք է արվեին, սակայն չեն արվել` հանդիպում նախկինների հետ, իրավիճակի ներկայացում. Այս դիտարկմանն անդրադառնալով` Հանրային Հ/Ը տված հարցազրույցում ՀՀ վարչապետ Նիկոլ Փաշինյանը նշեց.

«Իրականում արվեցին` մի փոքր այլ տրամաբանությամբ. ես առաջարկեցի համազգային կոնսենսուսներ, որոնց հիմնական նպատակն էր կոնսոլիդացնել և կոնսոլիդանալ ԼՂ խնդրի շուրջ, դա չստացվեց, քանի որ հետագայում հաշվարկները և իրականությունը ինչ ցույց տվեցին. Սփյուռքի ներուժի ներգրավման մասին որ այդքան խոսում ենք, սիրում ենք խոսել, այդտեղ էլ կա ճշմարտությունն ասել-չասելու հարց, այդտեղ էլ պետք է ասվի ճշմարտությունը. 1992 թ.-ից ի վեր «Հայաստան» համահայկական հիմնադրամի մեխանիզմը մինչև 2018 կամ նույնիսկ 2020 թթ. նվիրաբերված միջոցները 3, 4,5 անգամ ավելի քիչ են, քան 2018-ից 2022 թթ. ՀՀ պետբյուջեի եկամուտների աճը. այդ խոսույթը փոխել, այո, բայց ինչով փոխարինել: Չկա ԼՂ հարց, բայց եթե նույնիսկ արձանագրում ենք, բա հետո. հետոյին անդրադառնալու պարագայում պետք է վերանայել բոլոր այն բանաձևերը, որ դրված են ՀՀ պետականության հիմքում`սկսած տարածաշրջանային ու միջազգային հարաբերություններից մինչև անվտանգային համակարգեր»: