Եմենում ընդհանուր մոբիլիզացիա է հայտարարվել՝ Գազա գրոհայիններ ուղարկելու համար

Եմենի հյուսիսում, որը վերահսկվում է հուսիտների կողմից, տեղի է ունենում ընդհանուր մոբիլիզացիա՝ գրոհայիններին Գազայի հատված ուղարկելու համար։

Այս մասին լրատվամիջոցներին հայտնել է «Անսար Ալլահ» շարժման քաղբյուրոյի անդամ Խուզամ ալ-Ասադը։

«Այն սկսվել է բոլոր նահանգներում և բացվել են ուսումնական ճամբարներ», - ասել է Ասադը:

Հուսիտների խոսնակն ընդգծել է, որ այդ գրոհայինները պաղեստինցիների կողմից կմասնակցեն Գազայում ռազմական գործողություններին, «եթե լինեն Գազայի հատված հասնելու պայմաններ և հնարավորություններ»։ Թե կոնկրետ ինչպես են հուսիտների զորքերը մտնելու Գազա, որն ամբողջությամբ արգելափակված է Իսրայելի և Եգիպտոսի կողմից, դեռևս չի հաղորդվում։

Հիշեցնենք, որ հոկտեմբերի վերջին Եմենի հուսիտները հայտարարեցին Իսրայելի դեմ «ռազմական գործողություն» սկսելու մասին։ Որից հետո նրանք սկսեցին հարձակվել Իսրայել ուղևորվող նավերի վրա։