Հեղափոխական պաշտոնյաների աշխատանքի ՕԳԳ-ն. Դավիթ Ղուլունց

Շարունակելով ներկայացնել հեղափոխական պաշտոնյաների աշխատանքի արդյունավետությունը` այսօր կանդրադառնանք Տեղ համայնքի ղեկավար Դավիթ Ղուլունցին:

Վերջինիս անունը ՏԻՄ ընտրություններից հետո ընդամենը մի քանի անգամ է հայտնվել մամուլի ուշադրության կենտրոնում: Ամիսներ առաջ համացանցում տեսանյութ է տարածվել, որտեղ մի խումբ անձինք մեքենաներից իջնում ու հարձակվում են մի քանի երիտասարդ տղաների վրա և ձեռքերով, ոտքերով ու մահակներով ծեծում նրանց։ Բացի այդ, Տեղի ավագանու ընդդիմադիր անդամ Մասիս Զեյնալյանն էլ հայտարարել է, որ Դավիթ Ղուլունցն  իրեն ծեծի է ենթարկել։ Այս սկանդալը կապեցին Ղուլունցի անվան հետ, վերջինս, սակայն, հերքեց իր մասնակցությունը դրվագին։

Վերջինս նաև հերքել է տեղեկությունը, թե համայնքի բնակիչներից 5000-ական դրամ է հավաքում, որպեսզի սալիկապատի համայնքի փողոցները։

Ինչպես տեսնում ենք՝ Ղուլունցի ողջ ակտիվությունը կայանում է նրանում, որ նա հերքում է իրեն վերագրվող այս կամ այն դրվագը: Դիցուք՝ մամուլում լուրեր էին տարածվել, որ Տեղ համայնքի ՔՊ-ական ղեկավար Դավիթ Ղուլունցը, որը Սյունիքի նախկին մարզպետ Մելիքսեթ Պողոսյանի քրոջ որդին է, գրանցված է մարզային հոգեբուժական դիսպանսերում։  Հիշեցնենք, որ այդ մասին էր հայտնել Տեղ համայնքի ավագանու անդամներից մեկը: 

Ղուլունցը ևս մեկ դրվագում հայտնվեց հանրության ուշադրության կենտրոնում: Հունվարի 13-ին ադրբեջանցիներն առևանգել էին Տեղ համայնքի 53-ամյա հովիվ Սուրիկ Մաթևոսյանին և նրա մոտ 300 ոչխարներին։ Մեկ օր անց բանակցությունների արդյունքում խաղաղապահներին էին փոխանցել գերեվարված Սուրիկ Մաթևոսյանին, սակայն առևանգված ոչխարները մինչև այսօր շարունակում են մնալ ադրբեջանցիների մոտ։ Ու թեև Ղուլունցը պնդում էր, որ իրենք ապացույցներ են ներկայացրել, որ Մաթևոսյանի ոչխարները գտնվում են ադրբեջանական կողմի մոտ, նրան չէր հաջողվել բանակցությունների արդյունքում վերադարձնել համագյուղացու անասուններին:

Սակայն, օբյեկտիվ լինելով, նշենք, որ Դավիթ Ղուլունցի ղեկավարած համայնքապետարանն աչքի է ընկել նաև դրական քայլերով: Դիցուք, Դավիթ Ղուլունցը ԳՈՒՄ ՀԿ-ի տնօրեն Արտաշես Տոռոզյանի հետ համատեղ համագործակցության և փոխօգնության հուշագիր են կնքել, որի նպատակն առաջիկա հինգ տարիների ընթացքում համայնքի բնակիչների կենսադիմացկունության բարձրացմանն ուղղված երիտասարդական և սոցիալական բազմապրոֆիլ ծրագրերի ներդրումն է Տեղ համայնքում, որի արդյունքում համայնքը կունենա ամբողջական հասանելիություն մի շարք կարևոր ուղղություններով։ Բացի այդ, 2023 թվականի մայիսի 29–ից Դավիթ Ղուլունցի հանձնարարությամբ բարեկարգվում են Տեղ համայնքի դաշտամիջյան ճանապարհները։

Այս թեմայով Արդյո՞ք մենք խորը ուսումնասիրել և վերլուծել ենք այն սխալները, որոնք հանգեցրել են պարտության. Դավիթ Անանյան Դավիթ Անանյան. Իրավիճակն իրոք ճակատագրական է «Նրանք, որոնք ասում են, թե ջհանդամ, ադրբեջանցիք գան, շատ են, բայց նրանց թիվը կկրճատվի». Դավիթ Ամալյան (տեսանյութ) «Նրանք, որոնք ասում են, թե ջհանդամ, ադրբեջանցիք գան, շատ են, բայց նրանց թիվը կկրճատվի». Դավիթ Ամալյան (տեսանյութ) «Նրանք, որոնք ասում են, թե ջհանդամ, ադրբեջանցիք գան, շատ են, բայց նրանց թիվը կկրճատվի». Դավիթ Ամալյան (տեսանյութ)